Four O Five Coffee & Eatery

營業中

休息中

今次同朋友嚟到觀塘嘅Four o Five Coffee & Eatery，真係有驚喜！一入到嚟環境舒服，坐得又寬敞，啱晒慢慢chill住食嘢。主打嘅超巨型梳乎厘班戟一上枱已經成為全場焦點，個吉士焦糖梳乎厘真係超浮誇，厚厚一層，入口即溶又唔會太甜，配埋焦糖爆谷，層次感十足，影相打卡一流📸！主菜方面，石燒澳洲牛頸脊+糖心鮑魚配露絲瑪利汁都好有驚喜。牛肉新鮮嫩滑，自己可以控制熟度，食落肉味濃郁，配菜有烤蒜頭同蔬菜，食落唔會膩。糖心鮑魚都幾入味，帶少少煙韌，配埋露絲瑪利汁，幾有層次😋。意式肉丸意粉都一啲都唔失禮，肉丸夠大粒，外層微脆，入面多汁，意粉掛汁又唔會過鹹，配埋啲雜菜同蕃茄醬，食落好有家庭感。總括嚟講，呢度食物水準高，份量足，尤其係梳乎厘真係必試！價錢合理，服務都唔錯，下次一定會再嚟😍。