海饌 - 海鮮牛扒餐廳 (Fashion Walk) (已結業)

我諗上次嚟大概都有半年前，今日收工喺銅鑼灣，所以就約埋朋友一齊嚟fashion walk食dinner。鍾意呢度個氣氛好正，坐得又舒服，加埋店員個個都好有禮貌，每次嚟食都係一個愉快嘅體驗，所以今次都再來。因為我朋友有少少遲到，所以我一坐低就叫咗一個香脆小魚薯條配薄荷蛋黃醬做小食。佢揸得好酥脆，但係重點真係在於個脹度，但玩將就食得多，但係有埋個紅味就真係好少見，感覺即刻清新咗好多。意大利布拉達芝士有機雜錦蕃茄沙律我每次去西餐廳都會叫嘅沙律，最鍾意burrata cheese夠creamy，配埋新鮮沙律菜超refreshing。忌廉蘑菇濃湯好creamy，食得出係新鮮蘑菇打出嚟嘅，呢個一定要點。不過講真其實呢度試過幾款湯都好好味。去骨魔鬼魚魚邊係餐廳經理介紹嘅，食落好滑身，加埋完全冇骨，所以好吸引！