泰濃麵 (樂道)

營業中

休息中

最近見航空公司有平泰國機票買，可惜我搶唔到，咁唯有喺香港食地道嘅泰國菜止下癮啦！尖沙咀樂道呢間泰國菜其實消費好大間，而且裝修都幾得意，所以今日就決定同朋友一齊嚟食晚餐。呢度嘅麵餐可以自己揀配料，再揀湯底，所以完全可以食到自己心目中最想食嘅船麵。我要咗芫荽山金邊粉配船湯湯底。一上枱真係歪咗一聲，超級無敵大碗，見到都好興奮，芫荽迷一定要嗌！船麵湯底都好濃郁，食到最底原來下面更加有蘿蔔同魚蛋，真係一碗充滿驚喜嘅船麵！頂級美國肥牛配冬陰功湯底，特登揀咗黃麵，冬陰功湯底有少少辣，加埋隻蝦都好大隻，朋友話幾好食！另外小食方面就要咗個烚唐生菜配秘製腐乳醬，同埋個炸芝士雲吞。烚唐生菜雖然清淡，但係個腐乳醬先係靈魂！另外個炸芝士雲吞其實勁好食，本身好鍾意芝士嘅我，覺得一碟剩係得四件真係唔夠！