Burgeroom (美麗華廣場1期) (已結業)

第一次食尖沙咀美麗華嘅Burgeroom，同銅鑼灣嗰間一樣咁好食。之前已經試過Mushroom Beef Burger同埋鵝肝軟殼蟹漢堡，今次就決定試下大烤菇鱈魚柳漢堡，仲嗌咗個黑松露薯蓉寶，同埋一杯熱嘅Peach tea。大烤菇鱈魚柳漢堡睇落比其他burgers細，但係食落都好飽。烤菇好juicy，鱈魚柳炸得好好食，炸粉唔厚，可以食到啖啖魚肉，配埋生菜同蕃茄，真係好正。黑松露薯蓉寶份量都唔少，有好香黑松露味，薯蓉熱辣辣，外脆內熱，下次黎都會再食！Peach tea係用茶包沖嘅，桃味唔算特別濃，細細地一杯，唔係好夠飲。我諗下次都係嗌返雪櫃入面嗰啲樽裝嘢飲會夾啲。