麵麵店 (已結業)

今日同朋友兩個嚟新都城行街，行到見肚仔餓餓地，於是同朋友一齊覓食，見到呢間店係明星小儀做宣傳，裝修又好靚好整齊，梗係要來試吓啦！我最鍾意係呢度嘅面可以自己選湯底、面底、配料，唔會好似其他食店咁逼你食指定一款嘢食。咁我就揀左米線，腩汁來做湯底，腩汁真係勁入味，好香牛腩味，入味得來有清甜😍而配料都係個面嘅精髓所在，我揀咗滷水蛋、沙角餃、雞中翼、魚肉春卷、酸齋，店主好細心咁幫我將酸齋分開上，令到配料唔會比湯底溝淡晒，抵讚🥰我最推介係沙角餃，咬落去脆卜卜，好清爽，唔係出面咁容易食到🤟🏻而我朋友選咗粗麵，粗麵好有彈性，煮到啱啱好😛配料方便佢揀咗豬耳、韭菜餃、魚皮餃、墨魚丸，佢同我講豬耳鹵得好入味，好爽脆好有口感，真心推介要點,而韭菜餃餡料都好豐富， 墨魚卷魚同肉春卷必食😙總體來講，依間餐廳食物質素好高，面底同配菜都好好食，店員仲要全程好Nice好友善，以後晚餐都會再嚟食呀！