影片
更多
2022-09-18
79 瀏覽
「一鍋堂」之前幫襯過好幾次，對於佢地嘅食物種類，質素同埋環境都覺得唔錯。朋友非常喜歡打邊爐，夏日炎炎都無有怕，俾佢拉左我再次光臨。由於今日要去荃灣買d 野，所以就揀左大鴻輝分店啦。餐廳座位都算闊落，座位好多，環境都好清潔，地下唔會癡粒粒。午市時間有3個餐揀，一係唔食，一食就要食好d，所以揀左最多野食嘅C 餐，星期六日連加一每位$262，可以食足100分鐘。湯底都有十幾款，入座前先點了個湯底，叫左蘿蔔粟米豬骨湯，貪佢比其他湯底清，無咁易水腫。餐廳自助區可以拎到各式各樣嘅自助沙律吧、熱食、丸類、蔬菜，飲品同埋雪榚。熟食超多款式，有糯米飯、東北牛腩、紅燒豬軟骨、一鍋麻辣滷豆品、伊麵同冬瓜炆海鮮。不過由於要留肚食火鍋，所以都係食左少少沙律。菜嘅選擇都好多，講得出嘅都有，好似油麥菜，菜心苗，西洋菜，芥蘭苗，唐生菜，羽衣甘藍同娃娃菜，不過每一份嘅份量都幾多，如果可以自己夾，又或者整個雙拼／三拼，咁就可以一次過試幾款啦。飲品區簡直可以用「便利店」黎形容呀，真係好多選擇，除左有各式各樣嘅汽水之外，仲有自家製飲品，好似洛神花茶，金羅漢海底椰茶，碟豆花茶，薄荷烏龍茶咁。我就揀左金羅漢海底椰茶，夠晒清熱，一
餐廳座位都算闊落，座位好多，環境都好清潔，地下唔會癡粒粒。
午市時間有3個餐揀，一係唔食，一食就要食好d，所以揀左最多野食嘅C 餐，星期六日連加一每位$262，可以食足100分鐘。
湯底都有十幾款，入座前先點了個湯底，叫左蘿蔔粟米豬骨湯，貪佢比其他湯底清，無咁易水腫。餐廳自助區可以拎到各式各樣嘅自助沙律吧、熱食、丸類、蔬菜，飲品同埋雪榚。
熟食超多款式，有糯米飯、東北牛腩、紅燒豬軟骨、一鍋麻辣滷豆品、伊麵同冬瓜炆海鮮。不過由於要留肚食火鍋，所以都係食左少少沙律。
菜嘅選擇都好多，講得出嘅都有，好似油麥菜，菜心苗，西洋菜，芥蘭苗，唐生菜，羽衣甘藍同娃娃菜，不過每一份嘅份量都幾多，如果可以自己夾，又或者整個雙拼／三拼，咁就可以一次過試幾款啦。
飲品區簡直可以用「便利店」黎形容呀，真係好多選擇，除左有各式各樣嘅汽水之外，仲有自家製飲品，好似洛神花茶，金羅漢海底椰茶，碟豆花茶，薄荷烏龍茶咁。我就揀左金羅漢海底椰茶，夠晒清熱，一路打邊爐一路飲，真係非常清爽呀。
出去自助區拎完食物返黎，湯底就已經送到啦，送黎時散發出陣陣豬骨湯香味，豬骨好大件，非常足料，湯底味道極為香濃，粟米仲好甜添呀。
火鍋配料方面，自助區有蔬菜同丸類，好似蓮藕片、萵筍片、鮮淮山、蘿蔔片、黑木耳、芋絲、南瓜條、迷你素腸仔、素羊腩、大順嫩肉同素香菇貢丸。其餘嘅都係用QR Code落單，仲可以用電話睇到落左order嘅食物有幾多係未到，可以避免重覆落單，最後又攪到食唔晒。
我地呢個C 餐肉類種類都好多，肉類分別有： 高級澳洲和牛、澳洲M5和牛板肉、魔鬼辣安格斯牛肉、手切牛脊肉、西班牙橄欖飼豬肉、美國安格斯牛肉、封門柳、牛脷心托、精選進口牛板腱、西班牙栗飼豬肉同埋紐西蘭羊卷肉。牛肉方面，個人推介澳洲M5和牛板肉，佢嘅牛味相當濃郁，封門柳亦唔錯，肉質非常嫩滑，超高質。
羊肉有淡淡嘅羊羶味，口感爽爽地，喜歡食羊嘅朋友一定要試。
其他配料方面，C餐當中較為有特色嘅係100%濃汁爽彈牛丸、香辣安格斯牛肉滑、手作珍寶蝦丸、三色墨魚磚、手作麻辣豬肉餃、蟹籽手打蝦滑、紅菜頭滑、自家製鮮蝦雲吞、日本紅心蘿蔔同埋野生竹笙。個人就最喜歡手打海鮮滑，當中蝦滑最出色，入口爽口彈牙，仲食到入面有蝦粒添呀。
手作珍寶丸不但新鮮，而且仲好彈牙，蝦味仲極香濃。
自家製雲吞亦都唔錯，粒粒飽滿，食到裡面有一粒粒嘅蝦，皮薄餡靚，勁有鮮味，非常足料。
三色墨魚磚聽落好特別，所以都叫左黎試。不過最欣賞嘅都係佢地嘅八吋長腳蟹棒，真係好大條，一條等於平時三條，適合打卡之餘仲好好味。
食完火鍋配料最後淥返個出前一丁，非常滿足。
甜品區有軟雪糕。雪榚是日味道係蘋果，最開心嘅係可以自己唧，好好玩，可惜只有一款，如果有多幾款，咁就好啦。
張貼
