味道樂居酒屋 (河內道) (已結業)

最近尖沙咀開左新嘅日本超市谷辰, 於是小妹今日就約埋朋友一齊去睇下, 睇完就好想食日本野於是就search下附近有咩食😋, 見到E間味道樂嘅巨型鰻魚飯好似幾吸引咁😍, 而且都係行幾分鐘路程🤭, 所以就決定去試下😆! 一入到去就有種舊式日本居酒屋嘅感覺, 入面除左有好多日本嘅舊時玩具之外, 仲貼滿好多日式食物嘅貼紙! 餐廳提供嘅食物選擇幾多, 而且價格唔貴👍🏻我地叫左個巨型鰻魚飯, 壽喜燒, 小食同刺身, 落左單5分鐘到就開始有野食, 上菜速度幾快😊!清酒煮大蜆蜆肉大粒無沙, 食落幾鮮甜, 不過酒味唔算太濃!原條成田醬炭火燒鰻魚飯🐟🍚大大件鰻魚壽司真係好壯觀😆 鰻魚燒得幾靚, 非常焦香有光澤, 鮮甜入味, 醬汁濃稠, 甜度剛剛好, 魚肉肥美, 質感厚實無碎骨, 味道唔錯!吞拿魚赤身🐟赤身色澤紅潤, 脂肪比例少, 質感較腍, 魚香重, 味道濃郁!牛肉壽喜燒🐂🥘壽喜燒湯汁調味同甜度剛好, 牛肉味鮮, 沾上蛋汁後口感更嫩滑!炸香芋丸外層脆卜卜, 內層係炸到熱辣辣嘅香芋軟心, 味道香甜, 口感煙煙韌韌!