新沙洞澡堂 (已結業)

真係超級卦住韓國🇰🇷尤其是韓國地道小食🥹 近排見呢間有好多我中意既韓國野食又勁啱打卡，即刻要去下！-🥢韓式豬肉大醬湯一直以為大醬湯好似麵豉湯咁，咸咸地又唔辣咁，不過呢間有加入青陽辣椒，令湯既味道更豐富🥰 入面有大量豬肉同豆腐勁足料！ 我自己就中意張飯浸入湯到一齊食，索滿湯汁超正！🥢韓式牛肉特濃牛乳辛辣麵辛辣麵麵質彈牙，用牛乳做湯雖然一直都有聽過，但今次係第一次試！食落充滿奶香又唔會太膩，減少辣既同時又唔會遮蓋咗辛辣麵嘅辣味，怕辣既朋友都可以試下！🥢炸甜薯拉絲芝士條熱辣辣既芝士條！中間夾住甜薯令到整體唔會太漏，影左一陣相再食仍然keep到拉絲！🧀🥢炸腸仔年糕串呢個係我最鍾意嘅韓國小食！炸過既年糕，外脆內煙韌，加埋辣辣地嘅腸仔配甜辣醬汁超夾🥰🥢炸餃子餃子炸到邊邊勁脆！大大隻皮薄餡多好香口🥟🥢 Tiramisu 韓式牛角酥窩夫🥢法式焦糖燉蛋韓式牛角酥窩夫窩夫外脆內軟，面頭嘅cream都非常細滑，tiramisu味上面仲有條手指餅添！🤣 焦糖燉蛋味都好出色，面頭嘅焦糖燒到脆卜卜！打卡都一流🥢百香果水果茶特飲入面有一大粒荔枝，菠蘿粒同百香果，味道超級清爽又解辣🌶️