The Captain's House (已結業)

又出左新一輪消費券了，梗係要去食番餐好㗎啦，之前經常見到呢個shake shake海鮮袋好吸引，今日終於有機會試了。餐廳內有好多航海裝飾品，座位闊落，檯同檯之間隔版夠大塊，疫情下感覺上更安心。海鮮拼盤有三個級別可以選擇，我地揀左combo A，可以揀三款海鮮。我地選擇左扇貝、青口及海蝦，醬汁要檸檬胡椒汁，海鮮袋上檯時漲卜卜，店員會係我地面前先搖勻，再剪開海鮮袋，一剪開已經湧出濃烈香味，海鮮好新鮮，入口鮮甜，檸檬胡椒汁酸中帶微辣，非常開胃，除左海鮮外，袋內仲有豬肉腸、新薯及粟米，食晒都幾飽肚。香蒜橄欖油扁意粉 :意粉好彈牙，入口散發濃濃蒜香味，味道帶點辣，用上橄欖油感覺上較健康。食好野又點可以無返杯靚飲品呢？我地叫左一杯mocktail及咖啡。Purple Rain :紫+橙+深藍色層次分明，賣相非常吸睛，飲品有菠蘿汁、橙汁及蝶豆花茶，飲落感覺好清新，天時暑熱飲真係份外涼爽。朋友嘅咖啡亦好香濃，我地都覺得好滿足。