影片
更多
2019-02-02
302 瀏覽
今(2-2-2019 Sat)朝同老公落荃灣,試宜家傢俬o既早餐,我o地去到先搵位,然後由我發版幫老公買埋,睇吓menu,早餐都幾吸引.我買o左:1. $29.00o既牛肉漢堡餐有牛肉漢堡,煎蛋,薯餅,烤番茄,焗豆,咖啡/茶(免費添飲).牛肉漢堡好厚同味道濃厚,好過麥當勞好多;但薯餅就唔得,脆到接近硬,幾乎冇薯仔肉只有炸漿.其他o既我就冇試.2. $23.00o既烤雞扒餐有雞扒,炒蛋,火腿,斑戟,焗豆,咖啡/茶(免費添飲).我將半盒牛油塗o係斑戟上,一食,軟綿綿同微甜,好味.火腿唔會過鹹,幾好食;雞扒味道唔會太濃,o岩o岩好;大量焗豆正常冇問題;炒蛋一般,因為唔似炒蛋似蒸蛋,我唔係咁鍾意.4. $3.00o既牛角包兩件牛油味濃但又唔覺油膩,OK o既.3. $10.00o既瑞典肉丸貝殼粉呢o度o既肉丸始終係無敵,貝殼粉爽唔腍,但個湯好唔掂,冇味,加o左pat茄蓉都冇用,似滾水溝茄蓉.都係買返包肉丸o係屋企食好啲.咖啡同茶呢?原來茶包要o係俾錢時問收銀攞,老公沖o左杯咖啡飲,我就斟o左蘋果綠茶,綠茶比較淡,同埋飲o個刻只有蘋果味,落o左肚後,綠茶味至留o係口腔內.而老公最後係飲咖啡,佢話
早餐都幾吸引.我買o左:1. $29.00o既牛肉漢堡餐
有牛肉漢堡,煎蛋,薯餅,烤番茄,焗豆,咖啡/茶(免費添飲).
牛肉漢堡好厚同味道濃厚,
好過麥當勞好多;但薯餅就唔得,脆到接近硬,幾乎冇薯仔肉只有炸漿.
其他o既我就冇試.2. $23.00o既烤雞扒餐
有雞扒,炒蛋,火腿,斑戟,焗豆,咖啡/茶(免費添飲).我將半盒牛油塗o係斑戟上,一食,軟綿綿同微甜,好味.
火腿唔會過鹹,幾好食;雞扒味道唔會太濃,o岩o岩好;
大量焗豆正常冇問題;炒蛋一般,因為唔似炒蛋似蒸蛋,我唔係咁鍾意.
4. $3.00o既牛角包兩件牛油味濃但又唔覺油膩,OK o既.
3. $10.00o既瑞典肉丸貝殼粉呢o度o既肉丸始終係無敵,貝殼粉爽唔腍,但個湯好唔掂,冇味,加o左pat茄蓉都冇用,似滾水溝茄蓉.都係買返包肉丸o係屋企食好啲.
咖啡同茶呢?原來茶包要o係俾錢時問收銀攞,老公沖o左杯咖啡飲,我就斟o左蘋果綠茶,
綠茶比較淡,同埋飲o個刻只有蘋果味,落o左肚後,綠茶味至留o係口腔內.而老公最後係飲咖啡,佢話麻麻地.
味道係2.91分
上次食評: https://www.openrice.com/zh/hongkong/review/%E4%BB%A5%E5%B9%B3%E5%8F%96%E5%8B%9D-e3038106
其他價錢:
蜜糖$2.00,牛油$1.00
其他:
其實我買o野時已經見到有元蹄,走o既時候見到menu,
好唔好翌日買外賣俾爸爸食呢?除o左好多種飲品外,重有6種調味料.
又有咖啡渣俾客人免費攞去用,好環保.
重有貼心o既o野係有bb口水墊提供.
張貼
