平昌 Premium (已結業)

好耐都冇食韓燒啦，今晚放縱一下，試試呢間新開嘅韓燒店！餐廳位於佐敦莊士倫敦廣場5樓，地鐵站D出口一出行2分鐘就到啦！男友醒目地一早book定枱，所以唔使等位已可入座。一坐低店員就為我地開爐，並且加上爐邊蛋（再加芝士）。因為係韓燒放題，所以係由客人自行剔選餐單上食物、配料，再交俾店員。望落餐單選擇唔算多，但基本牛、豬、雞、海鮮、腸、午餐肉唔會少，而海鮮更加有高質烤大蝦、鮑魚、元貝等，仲有烤鰻魚添！野飲自行去雪櫃拎，有唔少韓國野飲選擇！等左唔使5分鐘，燒肉配料上枱啦！我地迫不及待放曬落爐燒。最愛五花腩同牛肋骨！五花腩厚切，四邊烤至金黃焦香，腩肉肥瘦相間，咬落肥油滿溢，如果怕膩可以夾入生菜一齊食，yum yum!另外鰻魚係現成鰻魚，放上鐵爐烤至焦脆，正！爐邊蛋加芝士真係冇得輸，加多啲芝士仲整到少少拉絲效果，好邪惡好正！重頭戲係燒鮑魚！因為係Premium menu, 加$98有4隻，仲加左芝士墊底。將鮑魚連殼放上烤爐，燒左一陣之後，芝士融化，包住鮑魚，等鮑魚燒到剛熟連芝士一齊食，鮑魚新鮮爽口，芝士香濃creamy, 又幾夾喎！星期一至四，18:00-21:30 $198+10% 一位，再加$