校長燒肉日韓料理 (沙咀道) (已結業)

今日成班舊同學攪聚會，去左荃灣的校長燒肉日韓料理食放題，同學說那裡地方夠大，食物多元化，質素唔錯。有燒烤、火鍋、刺身、壽司、冷盤、熟食、炸物、甜品等任食，飲品任飲。最適宜大班朋友聚會，因為甘多種食物，實有啱自己食的。燒烤種類有好多款，已醃製的肉類都好入味，而且重有唔同味道選擇，有辣有唔辣。丸類和腸類款式也不少，火鍋料亦好齊，刺身就有專柜，由師傳負責切給客人享用。刺身好新鮮，三文魚、希靈魚厚切肥美，甜蝦鮮甜，蟹棒、鮑片鮮美。燒烤爐內加左牛油紙防止食物黐底，最受歡迎的雞翼好入味，肉質嫩滑，有不同口味，我比較喜歡蒜蓉和蜜汁味的，豬扒嫩滑，菠蘿香甜。甜品種類都好多，還有清甜的生果，最後食埋軟雪糕已經好飽，所以沒有食火鍋，留待下次再來食過。