和牛燒肉一郎 (新都城中心二期) (已結業)

今天晚上約了朋友去新都城中心二期的和牛燒肉一郎食放題，店舖樓底高通風系統好，座位又寬敞，所以吃得十分舒服。我哋叫咗每人$298的餐，入座起計120分鐘任飲任食，其中有美國牛肉、日本產豚肉、雞肉、蝦、帶子、冬菇野菜等食物，食完可以再任點任何食物。其實任食牛肉呢個價錢真係可以叫平，而且牛肉嘅質感亦都唔錯，有唔同嘅部位可以order，如美國牛里脊肉、牛舌芯、一口牛、牛肋肉等，一次過滿足所有吃牛各部位嘅慾望，真係物超所值。牛里脊肉的油脂分佈平均，入口融化，一口牛比較煙靭有牛肉味，雞肉也不錯雞味濃郁。喜歡吃海鮮嘅有蝦同埋帶子，估唔到蝦和帶子好OK，新鮮無腥味。還有吉列炸蠔🦪亦值得推介！鬆化美味！因為食物太多，食牛肉海鮮都好飽啦，冇食天婦羅、壽司、豚肉腸……😅不過啲細細杯嘅甜品就點都要試吓，有驚喜😌唔太甜又有香濃嘅牛奶味，幾個甜品都做得唔錯，如木糠布甸，野莓奶凍、黑森林慕斯都超好食🤤🤤🤤最後飲咗個桂花烏龍茶，玫瑰茉莉花茶就係完美嘅一餐啦！