更多
2021-02-10
769 瀏覽
仲有兩日就新年，當然要一家人齊齊整整食團年飯啦！近排好多餐廳做優惠，懶得煮又想食得好，性價比又要高，的確有些少難度。不過1957 & Co.旗下餐廳早排狂推下午茶之外，其實套餐都相當抵食。好似位於圓方既 Mango Tree，就推出了「新春海鮮饗宴」。套餐本身$698一位，家陣1957 & Co. 會員專享買一送一優惠，就算連加一都係$800左右，即係人均$400不到，但已經包含魚、蝦、蟹及扇貝，試諗下，平日係間普通泰國菜館食隻蟹點都要二三百起跳，加埋原爐上鱸魚都近兩舊，仲有過半呎長泰國河蝦、帶子及甜品，其實相當抵食，最重要係無須自己煮嘛！餐廳位於圓方二樓一隅，靠玻璃邊有開揚的遠景，陽光透入的感覺份外舒適，由於地方闊落，所以座位間有足夠距離，又加上膠板阻隔，用餐時就更安心。限聚令下，一家4口都要分檯坐，但套餐係二人份，所以問題不大。不過注意套餐並沒有飲品提供。椰青（$60）原個開蓋，椰青水清甜可口，雪得冰凍，尤其是食辣野，就更加係完美配搭。芒果沙冰（$55）至於芒果沙冰可謂真材實料，芳香馥郁，冰涼透心，正。Appetizer鴻運當頭辣椒膏原隻帶子Stir-fried Scallops
仲有兩日就新年，當然要一家人齊齊整整食團年飯啦！近排好多餐廳做優惠，懶得煮又想食得好，性價比又要高，的確有些少難度。
不過1957 & Co.旗下餐廳早排狂推下午茶之外，其實套餐都相當抵食。
好似位於圓方既 Mango Tree，就推出了「新春海鮮饗宴」。
套餐本身$698一位，家陣1957 & Co. 會員專享買一送一優惠，就算連加一都係$800左右，即係人均$400不到，但已經包含魚、蝦、蟹及扇貝，試諗下，平日係間普通泰國菜館食隻蟹點都要二三百起跳，加埋原爐上鱸魚都近兩舊，仲有過半呎長泰國河蝦、帶子及甜品，其實相當抵食，最重要係無須自己煮嘛！
餐廳位於圓方二樓一隅，靠玻璃邊有開揚的遠景，陽光透入的感覺份外舒適，由於地方闊落，所以座位間有足夠距離，又加上膠板阻隔，用餐時就更安心。
限聚令下，一家4口都要分檯坐，但套餐係二人份，所以問題不大。
不過注意套餐並沒有飲品提供。
椰青（$60）原個開蓋，椰青水清甜可口，雪得冰凍，尤其是食辣野，就更加係完美配搭。
芒果沙冰（$55）至於芒果沙冰可謂真材實料，芳香馥郁，冰涼透心，正。
Appetizer
鴻運當頭
辣椒膏原隻帶子
Stir-fried Scallops with Sweet Chili Paste
原隻上，肥大肉厚，個口細少少都好難一啖食落口，辣椒膏的辣度輕盈，反而甜甜地好惹味，又有金不換的香氣，就連配菜都非常吸引。
Soup
大富大貴
原隻椰皇燉燕窩
Double-boiled Bird's Nest Soup in Coconut
上檯時仍在冒蒸氣熱辣辣，舀一下，椰皇底有燕窩，飲落好鮮甜芳香，夠晒滋潤。
Main
笑口常開
炭燒珍寶河蝦
Char-grilled Jumbo River Prawns
with Chili and Lime Sauce
單是蝦身已經半呎，肉質飽滿，開兩邊燒，吃起來帶有焦香，又彈牙，尤其是蝦頭部位全是蝦膏，豐腴甘香，超正。
鴻圖大展砂煲粉絲焗肉蟹
Fresh Crab Baked with Thai Herbs
and Glass Noodles Served in Clay Pot
雖然餐牌所寫是花蟹，但基於貨源而換上肉蟹，不過事前餐廳都有講聲，問題不大。
一上檯，真是乖乖的不得了，因為肉蟹點睇都有一斤，食落肉質鮮甜，而且有我鍾意既粉絲，仲要係份量夠多，加上沾滿了蟹汁的精華，滋味到極，不過偶爾有些少蟹殼，大家要小心。
年年有餘青檸辣椒明爐蒸銀鰽魚
Steamed Whole Fresh Barramundi
with Lime and Chili
當然係原條上，兩人食啱啱好，而且用上蠟燭檯保溫，慢慢食都得，魚肉好嫩，魚湯酸酸辣辣好醒胃，就連兩位囝囝都大讚，四個人兩條魚食到淨抵排魚骨。
Dessert
金玉滿堂
甜品拼盤
Dessert Platter
香芒糯米飯、泰式斑蘭千層糕、椰汁西米糕
Sticky Rice with Mango, Thai Pandan Layer Cake and Sago Pudding
用上小竹簍擺放，好有泰國特色，打卡無難度。
香芒糯米飯澆上椰漿，口感豐腴，芒果選得好，鮮甜芳香，兩三啖食完，仲好，因為已經好飽。
千層糕本身黏性好強，食落又唔覺喎，而且班蘭葉的味道好突出，煙煙韌韌，不錯。
至於西米糕，很傳統的口味，置底的粟米粒令口感更佳，我鍾意。
P.S :Original price 原價每位 $698 per person
Minimum order for 2 persons 至少兩位惠顧
Subject to 10% service charge based on original price 加一服務費以原價計算
張貼
