老港冰室

營業中

休息中

呢間冰室生意勁旺，無論咩時候去都坐滿人，出品有保證。門口大大個餐牌，套餐選擇一目了然，等位時已經可以諗定食咩，坐低即刻落單，慳返啲時間，效率高到爆。每枱快咗一分鐘，日積月累就多做幾十張單，老闆都笑晒。B餐鹹蛋肉餅煲仔蒸飯，肉餅厚身多汁，鹹蛋鹹香滲入飯粒，熱辣辣一上枱，趕時間食個飯都滿足。D餐焗馬來薯仔咖喱雞扒意粉，雞扒超厚超大塊，外脆內嫩，薯仔炸香再撈咖喱汁焗，香辣惹味，意粉吸晒咖喱精華，啖啖都好滋味。中式例湯用西洋菜、無花果、陳皮熬足火候，冇味精，飲落有媽媽嘅味道。西式羅宋湯同樣足料，酸甜開胃。招牌辣椒炒肉，明火快炒，辣得過癮，送飯一流。成間冰室氣氛懷舊，食物有心機，難怪日日都咁旺！😋