影片
以上資料只供參考, 請與餐廳確認詳情
食家推介
星期五吾知食咩好，決定同老公去葵廣掃街食野兼夾公仔，順道經過新都會廣場，睇到呢間新開既冰室，成班人排隊，仲有三大服務承諾好吸引！最驚訝既係佢地提倡三大保證，如果吾滿意服務態度，可以全單8.5折；如果叫左既菜品吾係30分鐘內送到，都係8.5折！吾滿意菜品都可以8.5折！價錢吾貴，服務質素又好，順勢就決定試下啦～.招牌美國西冷牛扒 $120 吾好以為一塊牛扒咁簡單，呢個招牌美國西冷牛扒真係大啖過癮！份量真係吾少，目測西冷扒厚度有2cm，熱辣辣上枱，聽到「刷刷」聲超有氣氛，配埋黑椒汁堅正！而薯菜仲好有心思，焗薯好腍，仲有沙律醬點綴，帶出一種清新口感，仲加埋鮮甜既粟米！套餐仲有牛油餐包、羅宋湯同埋熱奶茶，整個餐嚟黎講超滿足！羅宋湯好濃郁，酸酸辣辣好好飲，而熱奶茶茶香味濃，襯埋牛扒perfect😁 西冷牛扒肉質鮮嫩，每一口都係滿滿肉香，成個體驗超值！.古法手撕連骨鹽焗雞 $78雖然份量吾算多，但食落去發現有好多雞肉，吾會好乾，塊塊都咁嫩！呢個鹽焗雞真係要大力推介，雞肉味濃，鹽焗味入哂雞肉中，好香口，食得出佢地既用心，搭埋白飯真係一流.咖喱薯仔吉列魚柳飯 $69一啖食落去，咖喱味濃郁，椰香味十足，吾會太辣但好過癮，中意食多汁既人既首選！d魚柳炸得外脆內嫩，濃郁既咖喱汁配上香脆既魚柳，口感層次感豐富，好滿足！再加杯凍奶茶（$9)，正！.招牌拉絲芝士菠蘿包 $19 望落去好似普通菠蘿包，但用刀一切，d芝士就爆晒出黎，果份拉絲感真係吾可以吾試！包皮香脆，芝士味道既香濃又吾膩，簡單但好正
繼續閱讀
咁耐無去葵芳，呢個舖位又唔同左，依家變成一間冰室。作為一間冰室，茶記嘅常餐、奶茶，甚至碟頭飯，應該唔少得。不過見佢餐牌嘅主打有酸菜魚 、辣椒炒肉 ，用埋綠色裝修、熊貓公仔Logo……真係老香港，新烹調，用心做啊！都係要睇餐牌再叫嘢食食物齊招牌沙爹牛肉麵 $55去茶記，沙爹牛麵應該走唔甩。呢度嘅公仔麵係啱啱散，上枱仲係爽。沙爹味普通，唔係話超級濃嘅口味，牛肉又唔算鬆到散曬，呢個就係一個街坊茶記嘅口味。如果想沙爹味濃啲，記得走湯。火腿奄列及香酥丹麥多士 呢度嘅蛋煎得老啲，令蛋味更濃，同埋更香脆，更適合湖北蛋嘅做法。裡面嘅火腿絲份量都幾多。用得香酥丹麥多士 ，證明真係新派茶記冰室。不過烘脆嘅時候，已經將另外搽嘅牛油已經融入丹麥多士 本身嘅酥皮，所以香脆之餘唔太油，都唔錯。涼拌青瓜 $32依家係試新烹調嘅時候啦！想攝取多啲蔬菜所以叫呢個青瓜，有部分青瓜條有啲不規則，切之前都有拍過。味道香辣，手切蒜粒都幾多，仲要有花椒，少少麻，非常開胃。鴨屎香檸檬茶（少冰）+$9除左奶茶，鴨屎香檸檬茶都係呢度嘅主打。上菜嘅時候，呢杯茶都有少少泡，香水檸檬片，都有打碎嘅一絲絲果肉，真係好大力嘅#手打檸檬茶 。整體成杯飲品都唔算太甜，主要係檸檬嘅清新，同埋茶嘅清香，非常適合解辣解膩。呢度嘅祖國口味，真係比茶記食物，好太多啦！總數：$96
繼續閱讀
今日下午茶時間喺葵芳搵食，行過葵涌廣場對面見到呢間「老港冰室」，裝修有懷舊冰室feel，環境乾淨企理，就入去試吓佢哋嘅下午茶餐乾炒牛河有驚喜，$54 就食到，下午茶平啲，但係份量一樣咁多，河粉煙韌不黏口。最意外係啲牛肉唔止唔嚡，仲要超大塊，食落好實在，加埋芽菜同蔥絲，成碟炒得有心機蒜蓉炒通菜照走豬油渣都炒得夠鑊氣，蒜香重、通菜爽脆。例湯係明火煲花生眉豆豬骨湯，唔係即沖果啲，味道淡淡地但夠暖胃，有湯渣最加分係佢哋有「三大保證」：如果對服務、食物唔滿意，或者等超過30分鐘未上枱，都可以即時攞八五折，呢個安排喺茶餐廳真係罕見，食客有保障，感覺幾貼心，唔怪之得午飯時間到下午茶都坐滿晒人
繼續閱讀
而家先知呢個商場有咁抵食嘅小炒，仲要係有鑊氣無加一。可算係大商場極罕。蒜蓉粉絲蒸鳳尾蝦 - 辣辣地，粉絲墊底好香，蝦大隻爽。豉汁蒸倉魚 - 雖然size細，但厚肉，加埋豉汁無得頂。椒絲腐乳通菜炒牛肉 - 好有鑊氣，牛肉唔韌，通菜新鮮。干鍋花菜 - 豬油炒香，香辣帶惹味，超好送飯。加$12有鴨屎香檸檬茶，$9有例湯（好有屋企feel）唔滿意服務、點菜後30分鐘內唔上菜、對d野食唔滿意，都全單八五折。呢間冰室似乎一心想改變一般茶記冰室印象，幾有禮貌，上菜唔會亂掉上檯。
繼續閱讀
今日係葵廣行完街，去左新都會呢間老港冰室食野，整體體驗相當滿意。餐廳服務態度良好，最特別係佢哋有三大承諾：1. 若對服務不滿意可享全單85折2. 點餐後30分鐘內未上菜可享該菜品85折3. 對菜品不滿意同樣可享85折優惠，誠意十足👍蒜蓉粉絲蒸鳳尾蝦蝦肉新鮮彈牙，蒜香好提鮮，粉絲吸收蝦汁精華，口感恰到好處。 紅燒蘿蔔牛筋腩煲牛筋腩燜得超入味，膠質滿滿，一啖咬落去又彈又糯；蘿蔔吸盡精華，甜而無渣。醬汁濃郁帶微甜，撈飯一流！咖哩薯仔吉列豬扒飯吉列豬扒外脆內嫩，咖哩香濃微辣，薯仔燉煮入味，整體搭配十分經典。 邪惡芝士流心西多士切開時芝士呈流心狀態，鹹香濃郁，同香脆西多士形成完美平衡，雖然熱量爆表但值得一試。 鴨屎香手打檸檬茶茶底清香獨特，檸檬新鮮酸甜，口感清爽解膩食物品質出色，服務有效率，加上三大承諾讓顧客用餐更安心，值得一試！
繼續閱讀