FLIPPER'S (已結業)

次次經過都見到好多人排隊，所以放棄冇食（可能放工時間關係吧）。不過終於有一日得閒，又咁啱係銅鑼灣行街，於是順便行下希慎同再望下Flipper’s 多唔多人啦，點知都係要等，不過好彩今次只係要等兩三個人就ok 。大約10-15分鐘😁 難得可以入到去坐低食，一口氣order 咗兩份。🤣 試下有幾好食同睇下有咩咁吸引。點左一份原味同一份士多啤梨藍莓香蕉味，食落去第一啖，口感確實幾得意，好似食咗空氣咁。味道唔會太甜，唔錯。就算食咗兩份都唔會感覺太飽。不過成一百蚊一份，有啲貴。唔會成日食。