影片
更多
2019-07-23
387 瀏覽
朋友最愛吃生蠔，今日就同佢去左尖沙咀蠔灣。店員好有心機介紹食材，好友善，難怪平日夜晚都咁多食客。首先叫左4款生蠔，店員會教我地先食邊款，要順次序，仲要教埋我地食蠔既方法，要拆埋粒帶子出黎食。我地揀左South Africa Rock$31，細細隻好creamy，好好食。另外仲有Chile montt $32，Lambert $39同Majestic no.1 $49，就大隻d肉質厚，好鮮味。另外仲叫左其他刺身，北海道帶子 $38，地中海紅蝦 $78，超級甜，砌到心心型一樣，好sweet！活海膽 $168，海膽真係好正，入口即融。我呢隻龍蝦怪就揀左個活龍蝦套餐 $688，有龍蝦刺身、龍蝦湯兩碗同燴龍蝦意粉(細)。餐廳用新鮮龍蝦，食落肉質真係爽口彈牙，食得出個種新鮮。龍蝦刺身跟其他冷盤一齊上，食落淡淡地，點豉油同wasabi 就更好。龍蝦湯裡面都有龍蝦肉架，個湯唔會有腥味，有少少辣，食完冷盤要飲個熱湯，特別溫暖。燴龍蝦意粉(細)，份量一d都唔細，有折左殻既龍蝦肉同鉗，d肉唔會實身，超新鮮，扁意粉不會煮得太淋好煙韌，味道都好，高質的龍蝦意粉。另外仲叫左個主菜安格斯肉眼配沙律 $298，可以選
首先叫左4款生蠔，店員會教我地先食邊款，要順次序，仲要教埋我地食蠔既方法，要拆埋粒帶子出黎食。我地揀左South Africa Rock$31，細細隻好creamy，好好食。另外仲有Chile montt $32，Lambert $39同Majestic no.1 $49，就大隻d肉質厚，好鮮味。另外仲叫左其他刺身，北海道帶子 $38，地中海紅蝦 $78，超級甜，砌到心心型一樣，好sweet！活海膽 $168，海膽真係好正，入口即融。
我呢隻龍蝦怪就揀左個活龍蝦套餐 $688，有龍蝦刺身、龍蝦湯兩碗同燴龍蝦意粉(細)。餐廳用新鮮龍蝦，食落肉質真係爽口彈牙，食得出個種新鮮。龍蝦刺身跟其他冷盤一齊上，食落淡淡地，點豉油同wasabi 就更好。龍蝦湯裡面都有龍蝦肉架，個湯唔會有腥味，有少少辣，食完冷盤要飲個熱湯，特別溫暖。燴龍蝦意粉(細)，份量一d都唔細，有折左殻既龍蝦肉同鉗，d肉唔會實身，超新鮮，扁意粉不會煮得太淋好煙韌，味道都好，高質的龍蝦意粉。
另外仲叫左個主菜安格斯肉眼配沙律 $298，可以選牛肉要幾多成熟，我地一貫要左五成熟，呢個安格斯牛真係好好味，好香牛味，牛切成一條條，份量好多，好腍身，不會太硬，配上甜甜的燒汁和沙律菜、洋蔥，吃到不停手！好欣賞餐廳冷盤同熟食都咁花心機，廚師應記一功。
張貼
