影片
更多
2020-07-20
2083 瀏覽
當日係同男朋友紀念日🥰網上面一早見到佢有呢個夏日法式饗宴。身為法國迷嘅我😌一早點名要食呢間，男朋友只能乖乖同我出席。沙律嘅話我鍾意食佢個尼斯沙律🥗正宗嘅。佢都有好多款啊同埋，尤其是個印度沙律，絕對唔求其，啖啖咖喱香，同埋都幾辣下🤪肉批好食😋鴨肝醬配上酸酸甜甜士多啤梨，清新唔肥膩。有啲唔開心係個芝士拼盤我冇食到，當日原來9:30左右佢就會收走晒啲嘢，我同男朋友8點15分先至到，9:20左右佢就開始收！唔開心😫講吓熱盤先。男朋友一嚟到就攞咗個鴨肝漢堡，熱辣辣的，同埋佢唔係好大個，一隻手可以攞得晒，大約食四五啖左右就會食晒。我都食咗三幾啖好食呀！男朋友仲食咗兩個一咬落去油香好滋味，不過可能係budget問題,佢哋唔係用鵝肝。不過已經好好味😋燒牛肉不過不失，有少少鞋口。要讚嘅係佢放咗好多唔同嘅醬汁。除咗有普通肉汁同埋黑椒汁，佢嘅芥末都好齊。法式、英式、芥末子、辣根醬都有👍🏻👍🏻我係一個芥末控，當然要試齊晒咁多種啦！仲有其他法國著名菜式，例如紙包魚、紅酒燉雞、油封鴨，當晚都可以食到。不過好唔好食就其次。紙包魚用咗三文魚，個底配少少忌廉，簡單一道菜整得真係唔錯，但係個魚唔夠熱。紅酒燉雞就不過不失，
沙律嘅話我鍾意食佢個尼斯沙律🥗正宗嘅。
佢都有好多款啊同埋，尤其是個印度沙律，絕對唔求其，啖啖咖喱香，同埋都幾辣下🤪
肉批好食😋鴨肝醬配上酸酸甜甜士多啤梨，清新唔肥膩。
Terrines
21 瀏覽
0 讚好
0 留言
有啲唔開心係個芝士拼盤我冇食到，當日原來9:30左右佢就會收走晒啲嘢，我同男朋友8點15分先至到，9:20左右佢就開始收！
唔開心😫
講吓熱盤先。男朋友一嚟到就攞咗個鴨肝漢堡，熱辣辣的，同埋佢唔係好大個，一隻手可以攞得晒，大約食四五啖左右就會食晒。
我都食咗三幾啖好食呀！男朋友仲食咗兩個一咬落去油香好滋味，不過可能係budget問題,佢哋唔係用鵝肝。不過已經好好味😋
鴨肝漢堡
34 瀏覽
0 讚好
0 留言
燒牛肉不過不失，有少少鞋口。要讚嘅係佢放咗好多唔同嘅醬汁。除咗有普通肉汁同埋黑椒汁，佢嘅芥末都好齊。法式、英式、芥末子、辣根醬都有👍🏻👍🏻我係一個芥末控，當然要試齊晒咁多種啦！
燒牛肉
26 瀏覽
0 讚好
0 留言
仲有其他法國著名菜式，例如紙包魚、紅酒燉雞、油封鴨，當晚都可以食到。不過好唔好食就其次。紙包魚用咗三文魚，個底配少少忌廉，簡單一道菜整得真係唔錯，但係個魚唔夠熱。紅酒燉雞就不過不失，可能焗得太耐啦，啲雞肉都散開晒，好就好在入味囉。
個鴨就簡直麻麻哋，首先因為佢碎上，淨係睇個樣已經唔太討好。油封鴨係我最愛嘅食物之一，可以話佢嗰個真係整得好求其。亦都可能係可以比人坐低堂食嘅最後一日，所以佢求其啦。淨係得個咸字，鞋颯颯嘅肉，好似攞去煲過湯咁。
紙包魚
20 瀏覽
0 讚好
0 留言
紅酒燉雞
19 瀏覽
0 讚好
0 留言
仲試咗少少其他中式熱盤，例如咕嚕肉😝因為我鍾意食，點都攞咗兩舊。估佢唔到都幾好食喎，仲以為會好求其。當然你唔會期望佢係脆皮啦，始終都焗住晒，但係佢啲粉唔厚，咬落啖啖肉另外食咗印度咖喱肉都唔錯。
熱盤都唔錯
25 瀏覽
0 讚好
0 留言
最失望就係甜品方面。唔知佢喺度趕頭趕命，趕住收工，同我講9:30就要完，都唔緊要，大佬你9:10左右就開始執嘢係咩意思呀。當我9:30真係行到出去睇甜品嘅時候，已經係俾人收起晒！喂大佬食自助餐甜品係一個好重要嘅環節，你仲要搞緊法式主題，我一行到出去唔好話焦糖燉蛋，連生果都俾人收起晒，我最後係要喺佢放咗埋一邊嘅餐車同埋垃圾車嗰度攞返少少出嚟，仲要係唔好食㗎囉！班蘭蛋糕乾爭爭，牛乳奶凍得個甜字。唔好話其他甜品我連車尾燈都見唔到。大佬你話晒都係一間酒店，當你仲有客人嘅時候係咪應該為客人諗下，我行到出嚟搵甜品，大家都西口西面唔想理我。最後我求其喺垃圾桶執咗一啲返去！當然係我同男朋友嘅紀念日，最後以咁樣作結有啲唔開心囉。
甜品
18 瀏覽
0 讚好
0 留言
Openrice訂位有七折。總括而言唔係太抵囉，就算有折😡
初頭食緊沙律嘅時候都幾開心🤣因為未知道佢要趕頭趕命收工。
張貼
