走過十萬八千里找到你

營業中

休息中

朋友介紹話油麻地區有間上樓西式cafe，鍾意食嘢打下卡都唔錯，我其實係比個餐廳名吸引嘅*走過十萬八千里找到你*😂。一入餐廳就比天花上嘅一偏乾花嘅花海吸引😂即時打卡啦，餐廳地方唔算好大，但感覺乾淨整齊。先黎意大利菜湯同餐飽，個湯好多料，味道好濃郁。🍝北海道帆立貝海膽醬意粉 - 擺盤好靚，兩隻帆立貝鋪左係面，size好大隻，下面嘅扁意粉咬口帶煙韌，係我鍾意果種質感，而且掛晒汁好入味。🥣安格斯牛肩胛一口牛溫泉蛋茶漬飯 - 飯底粒粒圓潤飽滿，上邊鋪滿大量木魚碎同紫菜碎，仲有一隻溫泉蛋；一口牛份量都唔小，氹氹一個圈圍住個碗邊，夠厚身咬落非常有口感，入口甘香；將木魚碎、紫菜碎連同溫泉蛋一併撈勻，即時將茶漬飯嘅底味提升，鍾意食茶漬飯嘅，呢個都係幾好選擇。