一瀧 (已結業)

上星期同朋友去左cwb食好西。餐廳有兩個日本福岡師傅坐陣，務求將地道既福岡鄉土料理帶黎香港。裝修用上古江戶時代做背景，以木色為主調。有一大幅浮世繪同格子門窗，好似去咗日本嘅感覺。✨A4和牛他他配炸甜蕃薯 $158和牛他他配黃蘿蔔、蔥，撈埋橙色蘭王蛋，蛋香超濃郁。配炸甜蕃薯呢個idea幾好，唔會好似配麵包咁飽肚。✨鰻魚牛油果卷 $108每嚿鰻魚都好厚好腍，牛油果都好軟滑✨辛辣鐵火卷 $88呑拿魚卷正常發揮，少少辣✨一瀧唐揚炸三瀨雞 $78選用三瀨雞，食起上黎口感會更軟嫩多汁。以墨魚汁釀上炸粉，再配上特製既沙律醬一齊食零舍惹味✨A4 宮崎和牛壽喜燒 $488有3大塊和牛同好多日本蔬菜 : 金針菇、洋蔥、白菜、娃娃菜、豆腐、京蔥、粉絲etc和牛大塊得黎油花分佈平均，沾生蛋汁食可以令肉質更滑嫩順口。個湯都幾甜下，同啲菜一齊食岩曬。✨Bubble Iced Tea $88呢個打卡之選。可揀要有酒精或無酒精。我揀左有酒精 : SAKE侍應會帶埋枝槍，係個杯到唧出一個波波。杯野飲落甜甜地，帶淡淡既茶味。