走肉‧朋友 (已結業)

食過坊間咁多間素食buffet，呢一間我都算encore咗好多次～食物種類唔算太多，不過都幾啱我口味🤤菜類嘅選擇好多，亦會有啲飯麵類同天婦羅咁，最鍾意食係白汁野菌pizza🍕個底焗得好脆，而且啲粟米都好多，好豐富😆次次一焗起就有勁多人衝出去搶哂🤣而另外覺得佢做得幾好食嘅係麻辣類食物，個口水素雞嘅汁好惹味，唔算好辣，而素雞都幾有真雞口感！涼拌薯粉相對就真係幾辣，好煙韌，我都食咗幾次😆而甜食方面，糖漬蕃薯都好好食，有日本feel🤣大約7點幾仲有Brownie出爐，朱古力味幾濃，不過略甜咗少少🍫飲品我就飲洛神花茶，好啱配埋辣嘢同埋熱氣嘢飲😆我覺得食物質素都係中上水平，食物refill速度都好快，限時係個半鐘，都夠時間食嘅～留意返呢度係自助形式，食完之後所有餐具都要自己拎返去回收處架！