餐廳唔算好大，但都坐得舒服，唔會迫。
我地兩人食咗：
焗古也芝士洋蔥湯
洋蔥加埋芝士，真係好夾又好飲! 個湯焗過仲提升咗個香味。而且好足料，係一個食得嘅湯。
法式焗蝸牛
賣相幾靚，蝸牛口感軟軟地，好香。 薯蓉都幾好食。
每人三隻真係唔夠，會令人想食多幾隻。
香蒜牛肝菌意粉
意粉煮得剛好，口感彈牙。成碟充滿蒜同橄欖油嘅香，牛肝菌同菇又有咬感，美味。
慢火煮紅酒和牛面肉
牛肉份量對兩人嚟講都算多，肉質好腍，個汁好香同牛肉好夾，我地每件牛肉都沾滿汁先食。
是日甜品 榛子雪糕麵包布甸
侍應推介嘅特式甜品，不在menu上，話間中會轉。雪糕榛子味好香，麵包布甸熱辣辣，一冷一熱，好得意，味道不錯!
服務方面，全場只得一位侍應，餐廳幾乎滿座，但佢都應付到，效率非常高，而且一直超級有禮貌又親切，真係抵讚。
