分2層，走文青工業風，都幾寬敞。
先黎2杯飲品，望落好似普通size，其實係大size，啱哂我呢啲意飲野嘅人。泰式奶茶夠香濃，好重香料味，入口順滑，連我呢個港式奶茶迷都啱。朋友杯咸檸七都好fresh。
大蝦柚子沙律嘅蝦好大隻，有蝦味亦都好爽口，處理得唔錯，醬汁酸酸甜甜配埋新鮮嘅柚子，非常清新開胃。
青咖喱魚賣相好靚，但隻碟就大左少少，變左睇落見唔到魚😂青咖喱多蔬菜配料，濃稠度剛好，點埋蒜蓉包食就啱啱好。
不得不提個蒜蓉包，熱辣辣非常新鮮，烘到好脆，點青咖喱食好吸汁，蒜蓉亦提升香氣。
好豐富嘅小食拼盤，份量好大，新鮮炸起，有春卷，蝦餅，魚餅等等，食到唔停口。
