先付🥢
七色米通炸三文魚：配鹽焗銀杏、柚子蘿蔔、蓮藕片，幾香口。
松葉蟹玉子豆腐：滑溜又鮮味。
秋刀魚：肉質好嫩滑。
刺身三款🐟
1. 薄切深海池魚：好嫩滑，加埋紫蘇花捲住蝦肉點竹炭鹽食，口感清新。
2. 三文魚海膽杯：用咗根室馬糞海膽同三文魚子，鮮得來味道濃厚。
3. 火炙獅魚：古法燻製，焦香味帶有煙燻感，肉質厚身。
御料理🍲
銀鱈魚朴葉燒：用朴葉包住燒，魚肉好滑，有味噌調味，仲有慕容菇同青椒做配菜，幾香。
壽司九貫🍙
1. 真鯛魚：加咗柚子皮，食落好清新。
2. 平目魚：炙燒過既魚邊加呢魚肝醬，油脂好香。
3. 帆立貝：加咗柚子汁，好清新。
4. 靜岡縣白三文魚：油脂豐富，口感彈牙。
5. 北海道網走喜知次：炙燒過之後，油脂同焦香味出晒嚟，咬落有口感。
6. 北海道噴火灣象拔蚌：配青檸汁，鮮味突出。
7. 筋子：用自家味噌同鹽漬過，味道好濃厚。
8. 和歌山大拖羅：入口即化，油脂滿滿。
9. 北海道赤海膽：份量好多，鮮甜細膩，加淡雪鹽更加提鮮，大大啖好Creamy。
吸物🥣
松葉蟹棒真丈清湯，裏面有蟹肉丸，飲落暖胃又舒服。
甜品🍈🍇
赤肉蜜瓜同巨峰提子，蜜瓜好香甜。
