上野鐵板燒專門店 (已結業)

難得中同聚踢波聚，踢完波餓到扁，梗係要食番啲好嘢醫肚XD上野係我哋中學時代成日都去嘅餐廳，每個星期都去，有時仲一個星期去兩次 XP身為熟客仔嘅我哋穿過橫街窄巷，好快就去到，我哋6條友就坐喺bar枱，正合我心意，因為可以望到師傅煮嘢食（真心幾好睇）一坐低，望一望熟悉嘅餐牌，諗都唔洗諗就叫咗我最鍾意嘅牛肉生薑燒($42)，凍奶茶(+2)。雖然比差不多一年前貴咗幾蚊，但係呢間餐絕對無令我失望！啲牛肉依然係咁多，燒完之後仲有好多汁。牛肉同埋啲茶都入晒洋䓤（即係所謂的「生薑」）嘅味，香到絕！倒啲汁落啲飯到，每一啖都好好好好好味！！！！我最鍾意落啲七味粉落啲牛肉到，落少少，多一重味，不得之了 >w<其實點解我哋中學嘅時候成日嚟，除咗因為價錢okay又好食，仲有另一個原因：可以添飯！！！我話你知，如果你用一碗飯就食晒啲牛肉（或者其他餸），你就係完全浪費食物。呢到可以添飯，包我哋食得飽飽，仲可以享受耐啲呢咁正嘅鐵板燒！！！食完main course，即使係一間小小嘅餐廳都有甜品，蛋奶凍。呢個好唔好食就見仁見智喇，不過我就覺得幾好食 聽講呢間嘢夜晚有啲貴，但係睇到呢篇嘢嘅你晏晝去食一定無