CURATOR Art & Café (已結業)

終於有幸嚟到位於尖沙咀K11 Musea嘅藝術咖啡店 CURATOR BY LEX ACT CAFE ，佢喺西環藝術咖啡店LEX COFFEE 嘅分店，好可惜依家仍然禁堂食，唯有叫返個外賣止渴一下先啦！田園日本南瓜忌廉湯配高級脆皮法包：飲第一啖就知呢個湯係用上滿滿嘅南瓜蓉所烹煮，而南瓜嘅清甜喺湯入面發揮到極致，再加埋濃稠適中嘅口感，加埋佢哋配上嘅香脆法包更為一絕。焗大蝦蕃茄醬意粉：大蝦非常爽口彈牙，用上新鮮蕃茄所煮嘅醬汁，令到意粉充滿左淡淡清新蕃茄嘅香味。招牌芝士牛肉漢堡配薯條：漢堡包外皮非常香脆，漢堡牛肉非常厚身，肉味香濃，滿滿肉汁，加埋入面嘅青瓜蕃茄，令到口感增添不少，再加埋店家秘製嘅醬汁，令到漢堡味道變得更為惹味，怪不得可稱得上為招牌。薯條亦是即叫即炸，香脆可口。丸久小山園抹茶拿鐵，用上日本名店丸久小山園嘅抹茶粉所製，飲落少少嘅甜味仲帶點抹茶本應嘅苦澀味。Venchi chocolate ：呢杯就用左Venchi嘅朱古力粉，朱古力味較外頭嘅更為濃郁，甜度亦比想像中為低。