CURATOR Art & Café (已結業)

炎炎夏日，當日高達35度高溫，在6月又再確診的好姊妹慶祝我生日！多謝她請我到位於 K11 Musea 的主題打卡餐廳 <CURATOR Art & Café> 食生日晚餐！ 進食期間才發現天花板會轉色！樓面大致上，只得一位女店員，她太忙嘞！ 所以，舉手想落 order 都未必見到；可能坐位角度問題，見到廚房有兩廚師，另有一位咖啡師！Menu我的生日飯Hot Matcha Latte $49我略嫌細杯，口味甘中帶甜！不錯喝！熱海鹽朱古力 $68我淺嚐好姊妹的熱飲，一用茶匙舀起入口，竟然食到一粒粒海鹽！我覺得混合海鹽，可中和朱古力的甜膩感！全日早餐 $148賣相色彩繽紛又豐富，令我食慾大增！包括：煙三文魚、巴馬火腿、芝士腸、多士、沙律菜、大啡菇、車厘茄、士多啤梨、藍莓...配上芒果汁，芝士腸：一切開脆皮的芝士腸，芝士漿緩緩流出來，配上香甜的芒果汁，既清新又開胃！ 完全為沙律菜提升口味！虎蝦意粉 $188意粉乾身又夠入味，口感煙韌討好！ 有兩隻虎蝦，鮮甜爽口彈牙！梳乎厘班戟 $88 見到 Menu，三塊梳乎厘班戟 $88，價錢合理！送上桌才知道原來薄身又細塊，況且 Overc

Curator藝術與美食完美融合的咖啡店!!除左展出不同知名藝術家作品如草間彌生及村上隆，亦提供充滿藝術氣息的菜色，打卡同味道都一流!!👩‍🎨🖼️🪩 咖啡店最出名係3D打印咖啡，可以打印出指定圖案在咖啡奶泡上十分玩味!!☕ - 波士頓龍蝦意粉 HK$248 🦞🍝 龍蝦同意粉都令人非常驚艷!!半隻去殼波士頓龍蝦，肉質彈牙而且鮮味濃郁，調味恰到好處突出龍蝦的新鮮!!意粉擺成龍蝦形狀超有藝術感，配上茄汁、洋蔥碎和蒜蓉炒香，味道酸酸甜甜，完美襯托出龍蝦鮮味，絕對值得一試!! - 雪橙冰紅茶 HK$78 🍊🍹 飲品都玩味十足又好味!!上台時分開提供紅茶，冰底及雪橙，可自行製作出自己口味的橙雪冰茶超好玩!!雪橙味道微酸，紅茶香濃，幾好飲!!

今天是預祝生日而來吃的午餐同桌朋友吃的Boston Lobster Risotto內的Risotto很淡口，即使後來加了Tabasco和芝士粉也沒有多增加味道，Tabasco可能太大樽而辣味早已揮發了不少，但龍蝦的肉和蝦膏烹調得很入味。友人的Artsy Print Coffee選了的圖案印在飲品後很凸出和漂亮，而且味道很配。而我選的是凍朱古力混合Artsy Print後就更甜了，或者配黑朱古力會更好麼？世事就是沒有兩全其美，但今天就是這樣好心情！我吃的是黑松露漢堡牛肉很Juicy。最後的甜品Tiramisu酒味和咖啡很濃厚。謝謝！這是一餐很滿足也很快樂的午餐，最緊要的是不受時間限制享受美食！

藝術不僅僅是存在於博物館、畫廊等供人欣賞的靜態活動。餐廳內與不同創意品牌合作，陳列作品，例如：村上隆的太陽花。 (1) 虎蝦意粉經典的大蝦意粉。蒜蓉、洋蔥、小紅茄作為醬汁，配搭軟硬適中的意粉。 (2) 藝術打印咖啡只提供凍飲，口味可選擇咖啡或朱古力基底。 最特別之處便是可自選照片或圖案，並作表面打印。厚厚的奶泡非常持久，即使到用餐完畢，圖案亦亳不走樣。 (3) 炸魷魚圈配黑松露蛋黃醬汁 (4) 安格斯高級肉眼牛扒(10 OZ)配烤薯賣相跟餐牌圖示如出一徹，但牛扒比較多筋。 (5) 法國MONBANA朱古力咖啡的世界很大，一杯黑咖啡可以賦予你精神爽利的早晨，亦可給予你寧靜片刻的下午。咖啡就似音符，在心間迴蕩。

用餐前一星期係OpenRice訂了14:00 6位隨後於訂位當天打電話改到13:00 6位 男職員亦表示無問題 (因OpenRice已沒有13:00 time slot可選) 當天到達 男職員表示我訂14:00 暫未可入場我表示訂位當天已打電話改早一小時佢覺得唔係佢哋問題 感覺佢哋唔相信我有改訂位 但表示有位就留比我最後13:15已經可入座 並將蛋糕存放係餐廳職員已提醒會收$200切餅費 已表示Okay點餐時職員一邊拎住部點餐機 一邊重覆問幾次係咪要呢樣 係咪要個樣 飲品熱就聽成凍 凍就聽成熱到尾聲 朋友起身 行埋一邊搵職員上生日蛋糕之後個女職員再行埋黎枱邊 大聲詢問係咪要上蛋糕 要收切餅費 咩驚喜都無曬 真係唔該晒^_^最最最驚訝既係 $200切餅費 上左一堆碟再上蛋糕 個蛋糕係原個紙袋 包裝原好咁拎上黎我向職員表示你哋收$200 就係提供啲碟？佢表示唔可以點蠟燭 咁…係咪最起碼可以拎個蛋糕出黎？？😅😅我哋成枱加壽星都呆左及後另一職員見到我哋反應 先話我地影完相可以拎返入廚房 幫我哋切不用客氣了^_^$200 切餅費已經係我體驗過收得最貴既切餅費有啲唔收錢又好 收錢又好 都識保留驚喜

尖沙咀K11 Musea商場，一間充滿時代藝術感既人氣cafe—CURATOR Art & Café，成間餐廳環境色彩繽紛，感覺乾淨俐落，而且放左有好多潮流陳列品、圖畫，所以有好多唔同既打卡位，時尚感十足☕️ 而咖啡店最出名既3D打印咖啡，可以揀朱古力、或者咖啡底，客人可以打印出指定想要既咖啡圖案，相當有特色🌈 而食物方面，主要以西式食物為主，亦有小食、輕食類，下午茶時段亦適合到訪🍴總結而言，個人認為係一間食物好食，環境幾好既精品cafe💫

今日Tea Time去左Bookmark左好耐*餐廳名*飲最出名熱朱古力，位置係新K11 B1，等左大約15-20分鐘終於有位，星期五晏晝黎講，算係幾多人。本身食左Lunch，所以淨係Order兩杯飲品就簡單用餐就算，最特別係星空朱古力（$98），呢度員工會有ipad比你揀圖案或者你揀自己最Print嘅Art做係杯飲品上面，我就簡單D用番星空圖案，第一口飲落都好濃厚乳酪味，之後好濃厚嘅朱古力味。而另一杯就叫左橙味梳打，大大杯都幾好飲。

前排同閨蜜慶祝生日準備左特別既生日卡，想準備埋特別既餐廳，發現左呢間可以將相印上飲品到既Curator Art & Cafe餐廳環境都幾細，枱與枱之間有啲狹窄女店員服務好好，因為早過閨蜜到，要準備surprise，未入座我已經好多問題咁，但佢都好有耐性，入座後都好細心 夢幻早餐 Breakfast Fantasy 💰158上枱已經“嘩”，擺碟幾靚，好大份，而且都好多好足料，暫時係我食過既all day入面比較對得起個價錢，味道都唔錯 火炙尼斯吞拿魚沙律 Tuna Takaki Nicoise Salad💰138都係好大份，因為濕疹關係，當日試唔到個吞拿魚，有啲可惜，但朋友話味道都ok 炸魷魚圈配黑松露蛋黃醬汁 Deep-fried Squid with Truffle Sauce 💰98um...極之失望，唔抵食，好大陣油益味，係食一兩件已經停手，估唔到係咁 是日蛋糕 💰78藍莓芝士蛋糕配雲尼拿雪糕幾好食，唔漏，藍莓味幾出，雪糕奶味濃啲 洋甘菊柚子茶 Chamomile Citron Tea💰58正常野，茶包沖，但如果個茶包可以浸低啲就好啦 藝術打印朱古力 Artsy Print Ch

雖然我覺得食物價錢係有少少貴貴同份量比較少嘅，但係的而且確，餐廳有其獨特嘅地方。無論食物嘅擺盤同埋環境嘅設計都好有藝術嘅風格。置身其中也有一種很賞心悅目、輕鬆的感覺。今次我哋點咗：🌟波士頓龍蝦意粉🦞🍝半隻龍蝦放在意粉嘅上面，味道不錯，意粉的軟硬度亦適中，不過份量真的太少。🌟意式火腿配水牛芝士薄餅🍕餅底夠薄夠脆的，意大利火腿和水牛芝士的分配也十分合理，不過size偏細，自己比較喜歡pizza Express的薄餅。🌟斯人若彩虹，遇見方知有（朱古力榛子酱、士多啤梨、棉花糖、杏仁片、鮮花、薄荷）其實我不知道為何有這個名稱😅不過味道真的不錯，而賣相亦非常美觀。藝術打印咖啡☕️這個藝術咖啡價錢真的貴了一點，不過來到這間餐廳，總是禁不住點了一杯來打卡。客人可以因應自己的喜好上傳一張照片，製造獨一無二的咖啡。

K11 Musea入面有一間好有特色嘅餐廳未入去喺門口已經見到好多好可愛嘅裝飾品同埋玩具。餐廳入邊嘅裝飾品同埋裝修顏色都用咗10分搶眼嘅鮮豔色彩！行過門口都會望多幾眼😆波士頓龍蝦意粉-味道唔錯味道啱啱好，龍蝦是一整隻咬入去肉質彈牙🤭價錢：$248藝術打印咖啡-（凍飲，我選擇朱古力/咖啡底）可以自己選擇唔同嘅圖案，亦都可以同服務員講使用在餐廳裏相架入邊的圖案也可以。如果同另一半或家人黎的話你都可以選擇自己的相片，再send俾服務員！真係好開心😀 呢個比打卡直選一定要加奶如果唔係做唔到圖案😄價錢：$98斯人若彩虹，遇見方知有-水果榛子朱古力同埋酥脆麵包都配搭得很好！賣相同味道多一致！🤩不錯價錢：$98

星期六打完針之後，同朋友一齊去咗尖沙咀食一間叫✨CURATOR Art & Cafe 💫食lunch☺️ 我哋叫咗卡邦尼培根意粉🍝&夢幻早餐🍳，而飲品我簡咗檸檬草姜茶🫚朋友就簡藝術打印咖啡☕️👉卡邦尼培根意粉🍝呢碟意粉偏向清新風味，麵條並無依賴卡邦尼醬，反面麵條無沾上大量醬汁，使用數粒蒜頭及少許辣椒條，提升意粉味道嘅層次，有卡邦尼風味但唔會同膩口，餐廳採用長通粉，醬汁只由麵條坑紋沾上，麵條有咬口，但我覺得再煮耐少少就更適合我🤫夢幻早餐🍳由蒜蓉包、滑蛋、香腸、蕃茄仔、菠蘿、煙肉、煙三文魚、士多啤梨及沙律菜組成😊食材足料新鮮😆朋友好快就清哂😎檸檬草姜茶🫚呢杯姜茶就岩哂最近身體差嘅我😆，餐廳用咗Tea Forte茶包沖出黎，擺盤精美，姜混合咗檸檬草，蓋過咗姜嘅辣味，飲完相當舒服同有暖身效果✨藝術打印咖啡☕️係餐廳主打飲品，打卡之選👍🏻可以自選相片俾餐廳print 出黎，朋友簡咗LinaBell嘅相，雖然print出黎效果一般般，但不失Bell姐嘅可愛，加分不少😄朋友簡咗咖啡做底，味道適中☺️

打卡環境好靚，充滿着藝術色彩，一杯咖啡可以放上自己鍾意嘅圖案，淨係呢一個都已經夠晒噱頭！ 另外佢哋嘅嘢食都好好食，最鍾意食卡邦尼意粉，醬汁好惹味，意粉又夠彈牙，係其中一道出色嘅主菜👍

公眾假期搵食艱難😩行到腳都軟入嚟呢度飲杯茶，食返個沙律同埋Pizza，下午茶就啱啱好☺️Tuna salad 🥗 is quite refreshing and the very thin dough for the pizza is perfect for someone trying to cut down carb perfect combination with ham and cheese. I will come back to this one ☝🏻

最近幾日喺K11 Musea 工作，習慣工作前都會想飲一杯茶或者咖啡去調整心情，進入工作mode今日嚟到Curator Creative Café，之前嚟都係飲咖啡，今次想試吓茶點咗Ginger Lemongrass Tea，其實本身都驚會唔會就咁一杯茶放茶包就算～ 睇完Menu都有信心，係完整一set咁飲茶又好，飲咖啡又好，有時都需要儀式感😝講返杯Ginger Lemongrass Tea，好舒服嘅一壺茶，甘甜嘅後韻，薑就唔太明顯，少少哋就夠～ 🌱味道 - ☘️☘️☘️☘️🌱環境 - ☘️☘️☘️☘️🌱價錢 - ☘️☘️☘️🌱整體 - ☘️☘️☘️☘️

因為book左檯6點半食飯，所以唔敢叫野食，就一人一杯Artsy Print Coffee同share一件cake。黎呢度飲野必試Artsy Print Coffee，記得自備一張你鍾意既相，whatsapp比鋪頭，佢地就會將佢print上去奶泡上面，還原度好高，啲奶泡亦都好creamy，而杯咖啡係凍既，因為熱既話會keep唔住個print，唔理個gimmick，就講好唔好飲既話，係絕對OK既。至於個cake都好食，但非常細，擺盤就擺得好靚，反正我地都唔想食飽，所以冇乜問題。期待圍方店快啲開，咁下次幫襯行落樓就係啦