蔦 (已結業)

蔦曾經風靡一時，打住米芝連一星既名號，仲要座落係海港城，真係排隊名店。時隔兩年先有機會一試，週末既晚上，竟然只有幾枱客人。點了黑蒜油拉麵，加一客餃子。拉麵並不算熱，而肉碎是從一個大盒取出放入拉麵，並冇加熱。叉燒有點乾，和一般的日式叉燒口感、外貌俱不相同，但味道並不佳。雖然加左黑蒜油，但碗麵竟然冇香氣，呢點不可能既任務竟然被達成，咁樣一碗麵竟然賣成百幾蚊，有點無言。食完已經無心情影餃子，餃子煎得熱脆，聞落香，食落淡如無物。最後和朋友有點震驚地離開。