Lab Eat Bistro (豉油街) (已結業)

今次想介紹下位於旺角嘅呢間Lab Eat Bistro，佢係包一個主食，然後有各式各樣嘅配菜可以任食。今次主要想講下佢任食嘅食物。🦈海鮮類任食嘅食物包括左海鮮，我哋當然第一時間試下啦。翡翠螺都夠大隻肉質都算ok；大蝦肉質都幾肥厚啖啖肉；青口尚算新鮮。🥙沙律類佢有個自助嘅沙律吧畀你自行配搭。我哋試左少少沙律菜、蕃茄、粟米等等，都算新鮮，質素可以嘅。調味方面亦有各種醬汁可以選擇。🍰甜品類甜品方面有雪糕同好多蛋糕，我哋就攞咗啲蛋糕同埋奶凍黎試。蛋糕質素都ok，不過想重點講下意式奶凍，佢有藍莓喺最上面，cream下面亦鋪咗藍莓醬，藍莓醬下面就係奶凍，好有層次。下次可以再試！