六安居

營業中

休息中

朋友請飲茶，宜家唔咳唔痛。就過上環食六安居。自從唔叫蓮香居之後我都未去過，今次就去試吓。🥢【豉汁蒸排骨】豉香濃郁，本身汁水有DD鹹，碎蒜蓉加成之後更加出味。排骨蒸出來嘅一碟好惹味。肉滑唔棉有咬口。不過可惜就係前排杜咗牙根唔係好敢咬軟骨。🥢【蒸鳳爪】嗯，鹹香帶少少甜汁好鮮味唔會散晒起碼係合格分以上嘅水準，只不過牙驚痛唔敢咬咁盡就食咗一舊。🥢【鮮蝦餃】蝦餃皮餡好飽滿。裡頭的蝦鮮香又大粒。入口第一啖就覺得好鮮喇，每啖食到蝦味口感充足。又唔使調味，咁就覺得好惹味喇。🥢【金錢肚】同鳳爪一樣汁好多好入味,份量都幾多，韌口又有嚼頭。每一啖咬合都出味。味道過得去，算係咁上下。