玖五牛肉麵 (已結業)

今日放假。自己一個人食 午餐。上緊OpenRice搵吓新餐廳啦。見到呢間新嘅牛肉麵。食評好似唔錯。 加上我一般對牛肉麵冇乜抗拒能力。即時出發。時間大概下午一點半。去到門口竟然要等位。我排第五。不過好快就有位喇。餐牌。感覺價錢都偏貴。不過牛肉麵嘛，我通常都唔會計較嘅。第一次食當日係食最大路嘅紅燒味啦。1.紅燒招牌三合一麵個樣望落唔錯。首先講湯底。叫做勉強合格啦。對我黎講，味道唔夠濃。材料。份量都算多。牛肚偏林。牛肉算係幾好食。夠林。牛肉味還可以。牛筋正常。2.蜂蜜檸檬茶。味道都唔錯。整體來講。 餐廳食物質素合格。但如果講餐廳地點位置，加埋食物質素嘅整體評分。我覺得價錢算係偏貴。所以個人未必會再返嚟。