黑門水產すいさん (棉登徑)

每次行去尖東站搭車，呢間舖頭真係特別吸引到我嘅注意，除咗餐廳嘅設計真係好有日本居酒屋嘅模樣，另外食物款式眾多亦都係吸引之處！醬油蒜燒燒帆立貝落單之後，職員就會端上一個火爐然後幫忙烹調，帆立貝鮮甜，配上海量嘅蒜蓉粒，食落相當夠味，不過及後幾啖會有少少鹹。旬之刺身六点 六款刺身包括：三文魚，油甘魚，赤身，真鯛，帆立貝同海膽。刺身雖然沒有冰鎮，但全部都新鮮無比，特別稱讚一下海膽，入口即溶，近乎無腥味，甘飴至極；油甘魚非常油潤；真鯛帶微爽；三文魚肥美。黑門令大漁魚子醬脆脆包食品口感完全對得起個名，真係好脆口，麵包之上放上黑魚子、海膽、甜蝦、蟹膏、蟹子、吞拿魚蓉，入口豐富好綿密，所有奢華嘅材料夾雜一齊份外滿足。赤鬼明太子蟹甲羅燒食過好幾間嘅甲羅燒，呢間可以話係最濃味而且最鮮甜，餘韻更帶點辛口感，蟹膏味入口豐腴帶微甘，蟹殼完全冇燒燶嘅狀況，配上爽脆的海苔梳打餅，更是滋味！黑門令龍蝦湯煮海鮮龍蝦湯底濃郁，加上雙人份量嘅海螺、鮮蝦、章魚、蠔肉等等嘅海鮮盡是鹹鮮，職員對於烹調嘅時間拿捏得非常準確，鍋底雖淺，但實際上非常豐富。黑門三文魚加州反卷飯卷實淨大嚿，而且壽司飯嘅醋味亦都冇喧賓奪主，三文魚點綴奶滋醬