影片
更多
2018-10-30
14252 瀏覽
搵食飯團今日嚟到中環名館食精緻中菜. 一行三人放咗工就直接過嚟, 7點就坐低咗喇.三名餓底一坐低就叫係咁剔, 叫咗妙齡乳鴿, 大良鮮奶脆網卷, 石窩鮑魚雞粒炒飯, 石窩鮑魚栗子炆雞, 菌皇醬蒸淮山同埋網紅小白兔, 原來唔覺唔覺都叫咗好多.見到枱面嘅碗有句幾有意思嘅說話: 「有時緣淺, 卻回味深遠」…..每隻碗寫嘅都唔同~~都幾有心思~!!先上嘅係妙齡乳鴿, 用一隻形狀特別嘅碟上, 上炸得均勻而且香脆. 平時一定有D椒鹽, 喼汁可以點, 但呢隻妙齡乳鴿食落都好夠味, 唔需要其他調味料.跟住個石窩鮑魚栗子炆雞, 上枱嘅時候仲滾下滾下~熱辣辣~雞肉仲好嫩, 食落有啖啖青椒嘅香味, 配埋栗子, 本身呢個餸都係秋冬必點嘅菜式之一, 加埋鮑魚, 加上一點點貴氣.石窩鮑魚雞粒炒飯都唔錯, 飯炒得夠乾身, 粒粒分明, 味道都可以, 不過未算太突出.相反, 跟住上枱嘅大良鮮奶脆網卷就非常欣賞喇~先講賣相, 一條條炸到金黃色嘅大良鮮奶整齊排列, 底下嘅綠葉令鮮奶卷嘅顏色更鮮艷. 仲有就係網卷令到炸鮮奶上有淡淡的花紋, 非常美觀. 食落非常滑漏! 甜而不膩, 而且唔會食到成口油, 絕對係我眼中必點嘅食物之一
三名餓底一坐低就叫係咁剔, 叫咗妙齡乳鴿, 大良鮮奶脆網卷, 石窩鮑魚雞粒炒飯, 石窩鮑魚栗子炆雞, 菌皇醬蒸淮山同埋網紅小白兔, 原來唔覺唔覺都叫咗好多.
見到枱面嘅碗有句幾有意思嘅說話: 「有時緣淺, 卻回味深遠」…..每隻碗寫嘅都唔同~~都幾有心思~!!
先上嘅係妙齡乳鴿, 用一隻形狀特別嘅碟上, 上炸得均勻而且香脆. 平時一定有D椒鹽, 喼汁可以點, 但呢隻妙齡乳鴿食落都好夠味, 唔需要其他調味料.
跟住個石窩鮑魚栗子炆雞, 上枱嘅時候仲滾下滾下~熱辣辣~雞肉仲好嫩, 食落有啖啖青椒嘅香味, 配埋栗子, 本身呢個餸都係秋冬必點嘅菜式之一, 加埋鮑魚, 加上一點點貴氣.
石窩鮑魚雞粒炒飯都唔錯, 飯炒得夠乾身, 粒粒分明, 味道都可以, 不過未算太突出.
相反, 跟住上枱嘅大良鮮奶脆網卷就非常欣賞喇~先講賣相, 一條條炸到金黃色嘅大良鮮奶整齊排列, 底下嘅綠葉令鮮奶卷嘅顏色更鮮艷. 仲有就係網卷令到炸鮮奶上有淡淡的花紋, 非常美觀. 食落非常滑漏! 甜而不膩, 而且唔會食到成口油, 絕對係我眼中必點嘅食物之一!!
食咁多肉類同炸物, 都要食少少清淡野中和下, 菌皇醬蒸淮山就真係發揮到作用喇~!! 佢個菌皇醬係自家製嘅, 都幾香菇菌味, 香濃嘅菇菌配上啖味嘅淮山, 令到原來唔鍾意食淮山嘅我都完全無抗拒.
同朋友食飯, 又點可以唔食甜品作結呢…..KOL小白兔~ 賣相得意可愛, 其實係椰汁糕包住紅豆餡, 唔太甜,又煙勒, 唔錯~!!
其實食完之後我深信自己會打嚟, 一來環境舒適, 二來其實餐牌上有好多食物都想食, 望見隔離枱叫果D食物又好似好吸引, 款款嘅賣相都可以打卡, 好過癮~!!
張貼
