板石 (已結業)

自從上次同班以畫會友既姐妹們係尖咀搵到間好野之後,我地成日都想搵日再有時間落黎搵好野食,前晚我地係openrice搵到呢間好似食評都唔錯既板石之後,決定要試一試佢,但係結果就真係令人有少少失望其中原因有: 1.抽煙系統真係好差,原本一開頭燒其實都好地地,但愈燒愈燒,而且愈夜愈多人,攪到全場好焗,冷氣唔夠大,同場姐妹既男友們已經食到一頭汗 2.食物order經常漏單, 明明叫左好多份,但一碟只係得幾粒幾塊.我地6個人,點share呀...上菜速度慢都係其中一個我地唔滿意既地方 3.食物賣相同質素真係欠佳,肉類上碟個陣好似是是但但dum上去就算,牛肉方面我自己覺得雪花唔平均,有D可以直情話係冇,實在令人掃興. 呢間放題只係達到標準要求,但未到中等以上,260蚊我自己其實覺得可以得到更好...如果賣相味道方面可以提升我相信會更好!食物種類其實算少,但味道尚可接受是但求其賣相,仲要勁少份量比客人,絕對要改善!客人人數其實好多,應考慮改善抽煙系統同冷氣