板石 (已結業)

係唔錯，食品總類多，樣樣都好食。平日晚上去的，上菜快，會再回去，可惜兩次打電話去想訂位都語氣好差，個女人嬲晒全村人咁。呢點唔該改一改，都係想幫襯你，但次次好似比人鬧咁。

價錢238一位。但係一坐底就見到更換燒烤網要俾8蚊一個。好唔合理，飲料又要每人加10蚊先有任食，仲要無水招呼你，好似一定要你俾10蚊任飲。先講講野食，海鮮拼盤內有海蝦、青口、尤魚、海螺。全軍覆沒！全部唔新鮮不特止，青口仲要係臭！食唔到要吐出來！魚生剌身好細塊，甜蝦乾乾地。炸物好淋！成口粉。好差。哩間野唔會再來！

環境尚算舒服空間大，坐得都舒服哦，同事推介我食刺身同牛，也沒有刻意的點，嘜都嗌啲！印象中記得牛小排好好味，其他是一般但還好哦，刺身比想像中新鮮好味！！另外點了蟹粥，我覺得像味精的粟米湯，哈哈。雞翼和大蝦都是必點的，雞翼細細隻入味易燒，大蝦新鮮彈牙！reorder了，嘻嘻！最後甜品都是自助吧的雪糕，是不是心理作用，我覺得香芋雪糕好好味，同事說像是平時吃雪米池才吃到的味道，貼切阿整體感覺不錯，店內氣氛好，是gathering 的好去處，9時半後還有特價哦，另外5人以上免一位人頭費，點過的食物很多都不錯的阿，都只是每人$200！抵！

今次已經係第2次黎食喇. 今次再黎係因為媽咪欽點既.上次帶佢黎食完. 佢話好多野食. 有刺身有鐵板燒仲有有咁多炸物小食. 真係適合佢呢d鐘意多選擇既人.首先一坐低職員都係拎個刺身併盤比我地, 裡面有三文魚, 有甜蝦, 北寄貝, 八爪魚,墨魚,鮑片等等.仲記得上一次d有甜蝦好鮮甜. 但今次d甜蝦竟然沒味道之後職員又會拎一碟肉類併盤同海鮮併盤. d 大花甲好鮮甜啊! 青口就好普通, 好容易燒到乾晒;食左成晚, 覺得好食既食物有:帶子刺身(雖然細隻, 但鮮甜!)非翠螺(彈牙+鮮甜)深海大蝦(好抵食! 隻隻蝦入面都有膏架!)唔好食既有:羊扒(冇味道,羊扒醃到變得好淋, 完全唔似一舊肉)雞件(太咸)

第一次喺尖嘴食放題，本人對放題嘅感覺唔係咁好，係因為任食所以好多餐廳嘅環境一般了，服務好似大排檔咁自己黎！但係今次黎到板石感覺唔錯，環境整潔舒適，招呼都幾好！友人生日，我哋一行6人，兩個爐，食物方面就由其中一位常黎食野嘅友發扳！先黎兩客刺身拼盤，刺身好新鮮啊；跟住兩盤生肉（雞翅，牛肉，牛仔骨，羊架等等）雞翅中side味道唔錯，牛仔就薄咗少少可能係因為方便焼，羊架都唔錯肥瘦剛好；兩盤海鮮（帶子，半殼青口等等）海鮮类真係好新鮮，正；叫完唔使10分鐘就有了，上桌算係快了！食完刺身開始焼野了，一放落去嘅時候濃煙四起，坐對面嘅友人被迫後退，餐廳嘅抽氣弱咗少少，期望改善！焼到咁上下我哋就叫第二輪食物了，可惜要等17分鐘仲要有甩漏，份量比頭一轉少！焼完野食就係食雪糕嘅時候了，好多款式雪糕任食（雲尼哪，朱古力，士多啤梨等等）雪糕冇晒同職員講聲馬上就有，底贊！整體黎講都唔錯但係可以平啲嘅話就非常好了！友人們都食得開心！

自從上次同班以畫會友既姐妹們係尖咀搵到間好野之後,我地成日都想搵日再有時間落黎搵好野食,前晚我地係openrice搵到呢間好似食評都唔錯既板石之後,決定要試一試佢,但係結果就真係令人有少少失望其中原因有: 1.抽煙系統真係好差,原本一開頭燒其實都好地地,但愈燒愈燒,而且愈夜愈多人,攪到全場好焗,冷氣唔夠大,同場姐妹既男友們已經食到一頭汗 2.食物order經常漏單, 明明叫左好多份,但一碟只係得幾粒幾塊.我地6個人,點share呀...上菜速度慢都係其中一個我地唔滿意既地方 3.食物賣相同質素真係欠佳,肉類上碟個陣好似是是但但dum上去就算,牛肉方面我自己覺得雪花唔平均,有D可以直情話係冇,實在令人掃興. 呢間放題只係達到標準要求,但未到中等以上,260蚊我自己其實覺得可以得到更好...如果賣相味道方面可以提升我相信會更好!食物種類其實算少,但味道尚可接受是但求其賣相,仲要勁少份量比客人,絕對要改善!客人人數其實好多,應考慮改善抽煙系統同冷氣

繼上一次同朋友以中等價錢得到水準比較高既放題享受之後今次我同朋友再以呢種心態再戰尖咀!不過今次係去食燒肉啤啤佢,燒燒佢!原本每次返香港都係食開燒魂,但今次因為太多人排隊而且餓鬼急call.所以冇辦法之下轉戰呢間板石點知最後我就不太滿意總括黎講, 食物總類選擇算多但上菜就真係好慢好慢,而且有一樣問題我覺得真係好唔掂, 有乜可能我次次落單都寫左3份以上,次次黎都係得少少咁我每次都要追單之餘又要落新order,人又多 waiter都唔知應付邊個, 攪到我每次只可以少少咁燒仲有唔知係冷氣不足定抽煙設備唔夠勁,我硬係覺得愈燒愈熱,但算啦!呢個唔係重點到食物方面,先出一出2張相先全場比較高水準既係帶子, 但係海鱗方面我都係要彈一彈, 有乜理由D青口會一時勁大一時勁少?而且青口燒一燒之後點都會縮水, 本身size勁細既燒完之後我真係食唔到D咩肉, 而且D蝦真係唔新鮮...D肉"每每"地既? 所以我驚肚痛之下就冇要lu,其它貝殼類算OK肉類方面, 老實說我只係覺得好普通, 特別係和牛, 真係好普通! 未至於難食但只係冇我想像中有肉香肥膏香之餘不失牛肉味 頭一round叫既野算係最多ga啦..之後再叫已

今日放工後, 約左媽咪一齊去食呢間連雜誌都介紹的板石,而且上OP睇過都有唔少笑臉, 所以我地都係抱住十分期待的心情而去。我地訂左8:30, 可能由於係閒日的關係, 完全唔使等位。一坐低, 位置上有三隻醬料, 豉油, 日式麻醬, 甜辣醬等,而侍應先送上一碟雜錦刺身, 一碟海鮮, 一碟肉類, 還有一小兜的牛油蒜蓉帶子呢。不過隨左呢幾樣食物上得好快之外.. 後面就愈黎愈慢, 真係有D嬲嬲地.....不過先講下食物先, 牛油蒜蓉帶子, 食落好惹味, 牛油 & 蒜蓉真係絕配! 雜錦刺身, 賣相望落OK, 有大頭甜蝦、三文魚、飽片、三文魚腩, 北寄貝等~~雪花和牛, 黑椒牛仔骨 & 牛柳粒,黑椒牛仔骨 & 雪花和牛, 望落果然吸引, 燒完唔會乾爭爭, 點埋醬油食果真一流!不過牛柳粒就稍為遜色, 已經係燒到6-7成熟, 但都仲係韌。呢個芝士年糕又幾好味..我去第二間係寫1比一個的,呢間寫2比一個切開一半的..乜好貴咩. . .

很難得各位姊妹們可以甩開身邊果件一切出黎食返餐！大家早半個月前已經商議去邊？我就提議黎呢度，因為月頭生日同屋企人黎過一次覺得超正，本身都諗住有機會就再黎，你知啦，介紹得唔好班姊妹一定唱，女人本色，是也！我地一行9人BOOK 左19:30，可能星期三既關係，唔算太多人，一去到就有枱，我地仲飲飲食食傾到成10點幾都冇趕我地走，我地都唔好意思！個個都食到飽飽，個個都話我介紹正，下次聚會要 ENCORE。環境很寬敞，大家仲話下次可以帶埋 BB 黎，因為上次我7個大人坐8人枱，剩返一個位放BB車都仲有鬆動，唔怕迫親 BB！侍應服務尚可，收碟都快，但要一讚既係經理(冬菇)，好鬼熱情既招待，見佢滿場走，問下D 食物如何，同每枱人吹吹水，感覺好親切！Very Nice !!! 講返食物，二百幾一個人任食，姊妹們覺得呢間店很有良心，因為食材唔會因為咁既價錢而降 Grade，魚生好正！牛肉食得出唔係平價貨，海鮮超大同鮮味！因為勁食魚生, 牛, 同海鮮已經飽左9成，剩返果1 成最後都被 Tenpura , 支豆, 蟹粥, 雪糕攻陷了，冇位再試其他野，下次唔好食得咁過份，試下其他野先，哈哈。

2012年2月：第一次幫襯係平日慶祝結婚周年紀念，2個人一個爐，坐位好闊落，而海鮮係最吸引，刺身蝦同燒既蝦都好大隻，refill都好大隻，係刺身嚴重漏單，追左三四次先黎第一round，但價錢同食物質素絕對值得再去。2012年5月：第二次幫襯係平日慶祝母親節，6個人兩個爐，最啱唔食牛既兩老，可同佢地分開爐燒，依然有漏單情況，但吹左幾次依然態度好好，但今次既refill刺身蝦就由原本既連頭蝦刺身變左甘蝦，物價高漲，每個食肆都用唔同方法去縮水，冇法啦！2012年6月：第三次幫襯係星期六慶祝父親節，因為今次有老人家，所以一早book左間房加BB櫈，去到話我知冇BB櫈，但我book既時候已經講明要BB櫈囉！14個人一間房都係得兩個爐，根本唔夠位燒，唯有叫多D刺身，小食食住先啦！但叫乜漏乜，幾乎每樣野都要追，叫俾錢item既啤酒汽水又漏，叫一碗唔值錢既湯烏冬都漏，追左三次，等左超過30mins先黎個烏冬，唔知牛舌係咪好貴呢？落單落左三四次都冇黎，要追上加追先黎得10片，一人一片都冇囉！食完既碟完全冇人收，張台唔夠擺都係我地自己將碟同骨拎出去或放落地下擺，冇人加水又冇人理，抽風系統好唔掂，所以一定要

一定要比個like, book左位, 去到唔洗等.六個人好大張枱兩個爐, 唔洗爭一埋位, 先黎個魚生拼盤, 肉同海鮮拼盤.好新鮮, 個大花甲好好味, 不過就冇得encore, 但其他都可以自己再點, 好快就有, 朋友生日又送左香檳.服務員都好nicevery good, 埋單$238 @, 兩個鍾, 都趕我地走.好好丫! 又唔洗分時段, 真係一定會再去!

食物ok, 但服務態度極差！有一個長髮女經理在我們進食時說：你們不要再叫了枱無放！態度極差！之後我們的所有order都遲遲未到食2個小時，未夠鐘就叫我地埋單！每次對話都很不禮貌仲話張枱有人等緊！明明成間舖有一半空位都趕我地走！在入席至離開吹都我們離開都不知所謂！厠所又污嘈，唔掂！

同幾個朋友剛巧不用加班太晚, 所以即興相約食晚飯, 但遇上情人節, 我們常去既食店早已爆滿或者只改套餐......我們商議一番選了這間食店. 本想食燒肉, 但它們燒肉檯已經冇位, 唯有改食它們SABUSABU + 剌身~ 牛/豬肉正, 食完一碟上一碟, 湯底唔會太濃, 職員會留湯底狀況, 不時加湯~讚刺身亦不錯, 款式/SIZE OK!另外出面有自助BAR, 自己夾蔬菜/孤菌. 仲有牛肉炒飯, 雪糕~不錯座位舒服, 唔會有好趕感覺~老板仲出黎同我地傾談, 睇吓我地./客人有咩意見, 好有賓至如歸感覺. 老板話SABUSABU會喺四月全面改燒肉檯, 之後, 可以彈性處理客人兩食也可. 所以黎緊我地會再去, 試試佢地既燒肉說實在, 辛苦搵埋至在食, 對我黎講服務第一, 環境第二, 食物第三. 呢間三樣都讚!

已經係呢度食過六七次, 食物質素每次都十分好. 頭兩三次完全冇試過佢d魚生, 後來發覺原來同樣新鮮, 以這個價錢($238, 9點後$218)而言實在超值. 你一坐低, 佢會先俾一個併盤俾你燒住先, 因為第一輪多數都好心急, 咁樣可以令客人放鬆比情慢慢揀, 夠體貼! 食物種類好多, 但係我其實唔會乜都食, 只會主力食自己鍾意既野, 例如大蝦, 羊架, 安格斯牛, 花甲同螺. 呢幾樣野幾次都好新鮮, 而且質素非常好, 每次都不斷加添. 從食物同管理上可以見到老闆好有誠意, 例如你叫支廿零蚊啤酒, 佢會推架trolley係你身邊, 放支啤酒係個冰筒度, 好似香檳咁serve. d員工態度雖然都ok, 不過我覺得佢地d主動性唔係咁高, 例如好少主動幫你加茶, 有時要叫幾次先埋黎收order紙. 希望佢地呢方面改善下, 唔好浪費老闆既誠意.

我同朋友兩個都係大胃牛魔王，睇食評見到話板石既牛肉唔錯即時黎試試新店~提早一日book位，到達時間係6:45左右但已經見到有4,5台客食緊。餐廳環境好光猛整潔，座位非常闊落，係尖沙咀呢個地段俾自助餐既價錢有咁既用餐環境真係好難得。我地點左燒肉任食，坐低無耐就送上3份拼盤(牛肉﹑海鮮﹑雞+豬肉)牛味最濃同易燒既係牛背肉，肉質軟滑juicy一口牛切成丁方型，對我地黎講比較難掌握，唔係燒到熟得滯就係生得滯咬唔開，但係個味ok雪花和牛雖然切得薄薄，但係肉汁一樣咁多，但係唔多食到牛味黑椒牛仔骨醃得唔錯，肉質一樣軟滑好易咬開，唔似其他平價店咁要出力"齒"開搞到咁肉酸羊架切得幾厚唔小器，脂肪比例唔錯，咬落去食到少少羊騷味(我朋友鐘意食羊嫌唔夠騷)蒜香雞脾肉好正~就算燒耐左都一樣咁滑，一D都唔"鞋"，帶住薄薄一片雞皮燒到脆脆地好香刺身方面因為我地兩個都唔食三文魚，所以無點到(唔記得影相)。帶子好細件(比五毫大小小)，又切得薄薄北寄貝ok甜蝦竟然係大隻size仲要有蝦膏，開頭仲以為係平時係超市見到細隻雙拼鯛魚普通燒肉任食有好多食物種類可以選擇有海鮮﹑豬﹑羊﹑牛﹑蔬菜(燒菠蘿超正，熱熱地咬落去仲噴汁)即食