城寨風味 (已搬遷) 新店位置

好耐冇入九龍城食飯，主要原因係比教隔涉。入親都係食泰國野，食得多都寡。所以今晚食中菜！見openrice有不少好評，所以便試一試城寨風味😁餐牌有不少選擇，花多眼亂呢！幸好，侍應很好人，為我們推介了一兩道菜。先食咗前菜拍青瓜，坊間有好多拍青瓜。但一睇個樣就知係切完淋d汁上去。但呢度唔同，一睇就見到不規則既邊界，食落口更有質感。醬汁酸酸甜甜，帶少許辣，好開胃。之後來了一道侍應介紹的菜—胡椒汁燒茄子。伴碟精緻唔在講，整條上的茄子內是釀入了彈牙的魚肉，而整條的茄子更是燒到十分可口，而甜甜地又充滿胡椒味既醬汁更是恰到好處，冇遮蓋到茄子既香味之餘更提起了魚的鮮味，侍應果然冇介紹錯，佢仲好好服務，幫我地切到一舊舊方便食！必點之選！送飯一流！啫啫雞煲就食得多，啫啫芥蘭煲原來都有異曲同工之妙，未見食物就先被佢既香氣同渣渣聲引起咗注意。芥蘭十分翠綠，咬落口仲索索聲，十分新鮮，加上惹味的肉碎粒，我地食到一條都冇淨！再來就是栗米魚肚湯，初初冇諗過一客原來有咁大兜。就咁睇都見到十分足料，魚肚同粟米既比例岩岩好，又冇鯹味，鮮甜👍🏼最後仲送了紅豆沙糖水，有陳皮又起沙，滿足！