影片
更多
2023-11-11
233 瀏覽
食壽司嗰邊，唔抵食又難受，性價比十分低座位安排方面星期六晚市食，有好多好多位，基本上只係坐咗5,6個人，但都係安排一個廚房出入口位俾我哋，啲員工喺咁係度出出入入，張枱仲要搖下搖下嘅。同佢哋講轉位，咁多位連吧枱都唔肯安排俾我哋轉，最尾只係郁走咗兩格咁上下。嘢食方面員工比餐牌我哋嗰時，冇比到套餐餐牌我哋，我哋都唔知有，照叫咗嗰本嘢入面嗰啲，一個228 10件壽司，另一個108 8件壽司。嚟到嗰陣就發現唔對路，$228 同$108貨仔基本上完全吻合，只有兩件唔同，仲要有蟹柳壽司，仲要條蟹柳勁幼！真心未試過$238會有蟹柳壽司。。。所以就問咗佢哋拎啲餐牌嚟睇，發現佢哋套餐餐牌有個$138仲要包沙律、茶碗蒸、麵豉湯 (我哋叫嗰兩個唔係套餐，所以正常應該係冇嘅)，相上面啲壽司同$228完全一樣。。。叫咗佢哋員工過嚟，佢哋夠膽死同我講係廚師發辦，我地比$228，廚師發辦$138嘅貨？就算係廚師發辦，廚師至少要換走幾款啦，好唔好意思拎一樣嘅嘢出嚟。後尾另一個員工仲要話基本上就係一樣，咪即係預咗客人唔會知，劏你囉。雖然之後佢幫我嗰餐轉咗做$138嘅價，後尾買單仲發現俾咗個八折我哋 (唔知係佢仲做緊開業優
座位安排方面
星期六晚市食，有好多好多位，基本上只係坐咗5,6個人，但都係安排一個廚房出入口位俾我哋，啲員工喺咁係度出出入入，張枱仲要搖下搖下嘅。同佢哋講轉位，咁多位連吧枱都唔肯安排俾我哋轉，最尾只係郁走咗兩格咁上下。
嘢食方面
員工比餐牌我哋嗰時，冇比到套餐餐牌我哋，我哋都唔知有，照叫咗嗰本嘢入面嗰啲，一個228 10件壽司，另一個108 8件壽司。嚟到嗰陣就發現唔對路，$228 同$108貨仔基本上完全吻合，只有兩件唔同，仲要有蟹柳壽司，仲要條蟹柳勁幼！真心未試過$238會有蟹柳壽司。。。所以就問咗佢哋拎啲餐牌嚟睇，發現佢哋套餐餐牌有個$138仲要包沙律、茶碗蒸、麵豉湯 (我哋叫嗰兩個唔係套餐，所以正常應該係冇嘅)，相上面啲壽司同$228完全一樣。。。
叫咗佢哋員工過嚟，佢哋夠膽死同我講係廚師發辦，我地比$228，廚師發辦$138嘅貨？就算係廚師發辦，廚師至少要換走幾款啦，好唔好意思拎一樣嘅嘢出嚟。後尾另一個員工仲要話基本上就係一樣，咪即係預咗客人唔會知，劏你囉。雖然之後佢幫我嗰餐轉咗做$138嘅價，後尾買單仲發現俾咗個八折我哋 (唔知係佢仲做緊開業優惠，定係自知理虧所以比八折)。但八折咗都好，都係唔抵食嘅，佢嗰10件壽司包括魷魚、北寄貝、蟹柳嗰啲貨仔，三文魚嗰啲都冇特別好食，唔好話$228，佢連$138都唔值，真心覺得即係平時出邊食到$7,80嘅感覺。
由一開始座位安排已經火火地，後尾仲見到啲咁嘅壽司，真係食到一肚火。
P.s 嬲得滯唔記得影相
張貼