天下茶屋 (福榮街) (已結業)

深水埗不嬲都有好多嘢食 今日見到呢一間天下茶屋係新開嘅所以就入咗去食平時唔係好食咖喱但係見到隔離奶嘅咖喱飯好香所以就食咗一個蛋包飯咖喱唐揚雞 同埋一個咖喱湯底烏冬 追加左一粒溫泉蛋仲叫咗一份小食單骨雞翼share蛋包飯整得好滑咖哩都好香👍🏻見到好多人食完都讚好食 咖喱湯底烏冬 （仲有好多其他湯底可以揀）都係好香同好夠味 覺得呢間餐廳好價廉物美最鍾意係佢個單骨雞翼因為可以食得好方便 點左一個像有少少似明太子嘅味道配落去好夾 🤤🤤最後嘢飲方面我叫咗小丸子黑糖奶茶好夠味 味道偏甜 另外叫咗一杯蘋果鮮果茶 非常推介因為佢嘅味道好天然雖然叫咗凍但係佢都冇落到冰 所以個味唔會變淡👍🏻👍🏻