影片
更多
2007-09-22
11 瀏覽
尋晚去左Chesa 食晚餐，今次兩個人叫左一個煎鵝肝、一個帶子、一個芝士火鍋、一個羊架同一間屋。煎鵝肝外脆內軟，入口即溶，香得黎唔「漏」，個汁甜甜地，正！煎過既帶子上面有西蘭花，帶子鮮甜，不過只係得四粒，而且相比之下，呢碟菜俾我既印象唔係好深刻。主菜之一既芝士火鍋，芝士的濃度剛剛好，有咬勁，當d 麵包由個鍋度拎上黎既時候會拖住長長既芝士絲！鹹香十足，加少少酒味，正！不過係「漏」左少少。羊架本來有4件，但因為我話會share 黎食，所以就分左兩碟俾我地。塊羊就又淋又多肉汁，最緊要係唔穌。抵讚既係連伴碟既配菜都做得好用心，用料新鮮唔馬虎。就算我平時唔鍾意食蒜頭既都忍唔住食埋ｄ燒蒜頭。最後係朱古力屋仔，兩個人霎下眼就拆哂成間屋。服務唔錯，當我講左話會share 黎食之後，佢地真係每樣菜都同我分開兩碟黎上，而且個四眼叔叔都好nice、好多野講。不過要彈的是個環境，初頭7點幾無乜人既時候都還好，但後來一多人就......近廚房有個婆婆大講家人既是非；近窗邊就有兩個男人大聲講話，突然間唔知邊度有bb喊；八人圓有一大班人......天啊！咁點解我仲要特登關電話？！
煎鵝肝外脆內軟，入口即溶，香得黎唔「漏」，個汁甜甜地，正！
煎過既帶子上面有西蘭花，帶子鮮甜，不過只係得四粒，而且相比之下，呢碟菜俾我既印象唔係好深刻。
主菜之一既芝士火鍋，芝士的濃度剛剛好，有咬勁，當d 麵包由個鍋度拎上黎既時候會拖住長長既芝士絲！鹹香十足，加少少酒味，正！不過係「漏」左少少。
羊架本來有4件，但因為我話會share 黎食，所以就分左兩碟俾我地。塊羊就又淋又多肉汁，最緊要係唔穌。抵讚既係連伴碟既配菜都做得好用心，用料新鮮唔馬虎。就算我平時唔鍾意食蒜頭既都忍唔住食埋ｄ燒蒜頭。
最後係朱古力屋仔，兩個人霎下眼就拆哂成間屋。
服務唔錯，當我講左話會share 黎食之後，佢地真係每樣菜都同我分開兩碟黎上，而且個四眼叔叔都好nice、好多野講。
不過要彈的是個環境，初頭7點幾無乜人既時候都還好，但後來一多人就......近廚房有個婆婆大講家人既是非；近窗邊就有兩個男人大聲講話，突然間唔知邊度有bb喊；八人圓有一大班人......天啊！咁點解我仲要特登關電話？！
張貼
