振興肉丸

營業中

休息中

平時打邊爐或者食粉麵都會買番啲丸製品嚟做餸，尤其是而家疫情多咗喺屋企食，好多時都會買定d放雪櫃，隨手可以攞嚟煮。講到食丸，之前好多人都話食丸製品吾健康，後來食過振興出品嘅牛丸就上咗癮，不但好味，而且d丸製品係自設廠房天天新鮮製造，冇任何添加劑或味精等人工材料，依家注重咗健康嘅我寧願俾貴少少慕求食得安心又放心。上星期又去咗位於灣仔鵝頸橋底嘅振興入貨啦，今次入咗四款：黑椒牛丸、龍蝦丸、小籠包丸和貢丸。星期一阿女就攞咗d丸來煲烏冬做午餐。晚上煮飯我吾想成日用牛肉來炒菜，於是又攞咗幾粒丸切粒嚟炒靈芝菇和椰菜花，真係夠晒方便。到了星期日打邊爐，呢幾種丸當然吾少得啦。阿女大讚小籠包丸和貢丸爆晒汁，十分juicy，小籠包丸第一口就食到少許胡辣味，再咬耐d胡辣味開始由口腔延至到喉嚨，極具刺激感官之能事。而貢丸味道比較濃和香口，饀料除咗有肉碎，仲有蔥絲，幾惹味。龍蝦丸則比較鮮甜，口感比其他丸淋少少。而我個人則喜歡招牌黑椒牛丸嘅有咬口感覺，又彈牙又多汁，牛肉味濃且有微辣，這是我鐘情嘅其中一款。食咗幾餐已經食完，好彩振興有好多不同丸類選擇，又係時候去門市買另外d味道補定倉放雪櫃啦！