正宗水上人氣鍋專門店 (已結業)

🍲水上人蒸氣火鍋食蒸氣火鍋嘅舖頭愈開愈多， 熱潮好似愈吹愈勁咁🌬。近日司令又去食左間，鐘意食蒸氣火鍋嘅朋友又多間比較下喇。叫左幾款唔同嘅海鮮🐚，例如係花蛤、大元貝、花竹蝦等等，另外仲叫左蟲草花蒸雞、金蒜蒸茄子同埋南瓜排骨粥底。整體黎講，海鮮都算幾新鮮嘅，特別推介大元貝，鮮甜到不得了。個蒸雞🐔除左有蟲草花之外，原來仲有啲提子乾，食落甜甜鹹鹹咁，嫩滑得黎又幾得意。同以往食過嘅比較，尼度嘅粥唔知點解完全無海鮮嘅鮮甜味，無咩食味，同一般嘅南瓜粥🎃無分別，可能叫得唔夠多海鮮啦。