271
11
9
港鐵旺角站 E1 出口, 步行約3分鐘 繼續閱讀
所有分店 (2)
電話號碼
25278883
開飯介紹
主打蒸氣火鍋,必點美國生蠔,新鮮大隻,粥底吸收海鮮精華後更鮮甜美味。 繼續閱讀
營業時間
今日營業
12:00 - 03:00
星期一至日
12:00 - 03:00
付款方式
Visa Master 現金 銀聯 JCB 支付寶
座位數目
200
其他資料
網上訂座
Wi-Fi
深夜營業
酒精飲品
自帶酒水
電話訂座
賞訂座積分
外賣服務
加一服務費
電視播放
當面支付
有關獎賞計劃
食評 (326)
今晚老闆生日,我們全Team人決定請佢食好西,選擇朗豪坊附近 正宗水上人氣鍋專門店,地方方便就腳👍老闆真的好給了我們一張很大的枱,坐得舒舒服服海鮮即叫即撈即劏,真是看得到的新鮮!平時老闆對我們這麼好,當然食豪D答謝他😉😉先來加拿大象拔蚌刺身拼盤, 非常鮮甜,切功一流,爽口夠凍😍還有三文魚、希靈魚....好大一盤呢😋主角來了😍😍😍😍南非龍蝦、蒜蓉大元、貴妃蚌、阿拉斯加蟹⋯⋯不得了不得了見到都即刻開心😃海鮮逐一蒸熟可以調教timer 確保控制得剛剛好!鍋底選擇了花膠豬骨粥,擺在鍋底,當全部東西吃完之後就可以嚐這煱精華粥🤩🤩第一時間蝴蝶蚌,5分鐘即可,非常鮮甜,食唔停口😋阿拉斯加蟹~~肉質鮮嫩飽滿,任何部位都將它拆骨起肉非常非常之鮮甜😝南非龍蝦~~清蒸已經非常好味,配上蒜蓉調味,清清地很鮮味,龍蝦肉彈牙,超正👍👍蟲草花蒸雞~雞味濃而且很滑,不太肥配上蟲草花一流👍欖菜肉鬆冰菜,很特別,吃得多肉類,再吃點菜就減膩😊說時遲那時快,花膠豬骨粥食得了😍非常鮮甜,每人吃上兩大碗😂😂甜品很特別,造型令我們為一些,味道普普通通啦有點像啫喱!今晚說說笑笑有過了一個愉快的晚上,看得出老闆也很喜歡,當然大家都喜歡💕 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-13
900 瀏覽
成日經過旺角都會見到呢間氣鍋專門店人頭湧湧,今日終於有機會同班同事一齊約埋嚟食好西!7點去到,基本上已客滿,閒日都咁旺場真係勁! 間鋪有3 層,人多人少嚟食都處理到,真係多人既話,我估包晒成層都得!佈置都幾光猛,乾淨,檯同檯之間都幾闊落!我哋等左陣人齊就正式開餐,待應幫我哋先放粥底材料,同事揀左花膠豬骨粥底,花膠大大件好足料下!粥底開始煲緊,頭盤加拿大象拔蚌刺身拼盤就俏俏送到,份量頗大,象拔蚌,三文魚,同希靈魚都幾鮮甜,象拔蚌爽口,三文魚仲要好肥美!食緊刺身拼盤既時間,大大隻蝴蝶蚌先落鑊蒸!幾分鐘就有得食,鮮甜彈牙!跟住出場係賣相好正既阿拉斯加蟹,鍾意食蟹既同事睇到留晒口水! 我就對佢d鮮甜啖啖肉蟹腳垂涎三尺!同事表示蟹糕鮮甜多汁,蟹味十足!之後就係蒜蓉開邊蒸南非龍蝦!一夾離殼,啖啖肉,啖啖蒜香味配上鮮味十足又爽口彈牙既龍蝦肉,真係無得彈!食左幾樣海鮮,正想問有無其他野食既時間,肥美多肉既虫草花蒸鮮雞就出場,虫草既清甜味同嫩滑鮮甜既滑雞非常夾!我頭先無食蟹,d 雞蒸出嚟勁香,我就食多左幾件雞!同事真係好周到,除左食肉外,仲有一個係蒸菜,呢個賣相相當吸引,好似有層冰粒喺面既欖菜肉鬆蒸冰菜真係估佢唔到咁好食,蒸完幾分鐘依然清甜爽口!終於食晒d海鮮同配菜,嚟到寶物尋歸底既精華所在既花膠豬骨粥底,煮左成晚d粥底吸收晒海鮮同各種配料既鮮味,除了豬骨粥既鮮甜味外,仲有不同海鮮既味道!都唔知係食緊豬骨粥定係食緊海鮮粥,好鬼正!喺度食野真係驚喜處處!碟碟都好睇又好食,估唔到最後既甜品都唔例外!簡簡單單既啫喱都整到成碟工具咁,人生第一次'食螺絲'都係第一次!呢餐真係貴一貴都值,怪唔得長期都咁人頭湧湧! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-08
720 瀏覽
一大班同事食飯,最緊要坐得舒服同埋地點就腳,今次同事揀咗旺角正宗水上人氣鍋專門店,去各區都好方便。地點易搵,喺朗豪坊戲院行前少少就到。裝修好新,原來仲有樓上雅座,不會背貼背,坐得舒服。醬汁區有好多醬料,適合唔同人既口味!先來一盤刺身拼盤象拔蚌刺身爽口,厚切三文魚肥美,北寄貝、希靈魚厚肉!點完餐後店員會先放一些新鮮豬骨,花膠,南瓜,珍珠米落鍋底。先食海鮮,最後食肉同粥。阿拉斯加蟹原隻蟹蒸,原汁原味,不用加任何調味,肉厚不會離殼!用蟹糕汁伴蟹肉食,好幸福喔!蝴蝶蚌時令食材,平時街市都難買,呢到竟然有,隻隻脹卜卜!蒜蓉大元貝、南非龍蝦大隻肉厚,加上小許蒜蓉蒸,十分鮮味!龍蝦肉好彈牙!貴妃蚌今次用白汁蒸,不會次次一樣味😆,味道幾特別!櫻花蝦丸鮮蝦打到起膠,再加櫻花蝦,既有鮮味亦很彈牙!蟲草花蒸鮮雞滿滿既蟲草花,加上新鮮雞,雞不會過肥,仲有黃油!呢d先叫有雞味!欖菜肉鬆冰菜冰菜係蔬菜類較名貴既一種,用來蒸會比較好,營養無咁易流失!加上欖菜肉鬆蒸,不用再加調味,味道剛剛好!最後每人兩碗花膠豬骨粥,用蒸氣來煮,每次蒸海鮮嘅汁都落曬落粥裏,可想而知呢煲粥係幾堅!人均大概$500已可以食到咁豐富嘅海鮮,算不錯吧! 繼續閱讀
(以上食評乃用戶個人意見 , 並不代表OpenRice之觀點。)
每次over 10人既gathering一定係海鮮為主🤣之前試左尖沙嘴分店,今次試埋旺角分店比較下😎結果。。兩間都勁正🤤💓人多有包房坐得舒服又自在!小粉姐表示滿意😎👍🏻《象拔蚌刺身拼盤》最驚喜係第一次食花竹蝦刺身,平時熟食已經好爽,估唔到刺身嘅鮮甜到比熟食更佳!仲記得以前講過越靚嘅蝦刺身就會越"張"口👍🏻三文魚、希靈魚、八爪魚都保持水準。呢個開邊龍蝦都係不得了😍上枱好震撼謀殺咗好多菲林🤣唔好睇佢細細隻,其實肉身而且飽滿,龍蝦肉非常有彈性!必食!平時成日食蒸龍躉今次就食蒸多寶魚,多寶魚嘅肉質屬於非常嫩滑,而且少骨,蒸完之後食到魚肉嘅原汁原味🤤每次食蒸氣石鍋都一定要叫完貝!呢個係用黑松露嘅新鮮食法,不過個人比較傳統覺得蒜蓉好食啲🤣"冬蟲草滑雞"估唔到蟲草嘅香味真係完全滲透晒入雞肉,加上少少冬蟲草嘅藥材味,最重要係雞肉唔會太肥!呢個甜品就啱晒我口味"煙煙銀銀"如果我冇記錯好似係紅棗糕🤣每一次由頭食到尾嘅海鮮餐都非常之有滿足感🤤真心蒸氣石鍋水上人係必食之選🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-29
2030 瀏覽
今日同一大班朋友一齊黎左食下呢間蒸汽火鍋,位置極方便既佢,就係朗豪坊附近,砵蘭街之上,門面又夠大,清晰可見!食物質素更加係無得頂!一陣有多款海鮮+食物會透過蒸鍋煮熟,事前可先選擇調味醬油,為自己調配一隻沾點食物既醬汁 ; 但其後我發現,根本都唔洗點刻意去用呢d醬汁,因為本身既食物已經夠鮮!特別係海鮮添!第一樣先黎既有佢!海鮮刺身超級大拼盤啊!只係個賣相都夠吸引啦,顏色亦非常新鮮,當中包括多款唔同既海鮮刺身有比較日式既三文魚,八爪魚,希靈魚等等既刺身,全部都係厚切而且新鮮!同時重有一d比較貴,通常去打邊爐額外叫先有既象拔蚌刺身!非常新鮮爽口!同場既刺身重有大大隻既花竹蝦刺身連蝦頭,不得了,第一次食呢款蝦食到好似食泰式虎蝦or日式赤海蝦禁,一啖食落口,又甜又爽口,真係好正啊!面蝦頭就可以留黎一陣滾粥底用,味道會更鮮甜!食完d禁正既刺身,開始今晚既主角熟食野,蒸爐開動!第一款有蒸牛肉!唔好睇佢蒸完之後個樣好似唔多吸引禁,其實好正!肉質有咬口得黎唔韌,蒸完出黎塊牛肉唔油膩且有肉汁,肉味香濃,係平時比較少食得到既感覺 ; 包住塊新鮮既生菜一齊食,味道更佳其中一款蒸海鮮有好新鮮既肉蟹,顏色非常鮮艷,雖然係肉蟹,但都有唔少膏架,不論膏定係肉,味道都係鮮甜既,食落果陣蟹肉完全唔痴殼,非常易食,其中一個原因就係因為佢夠新鮮 !勝瓜我覺得係好款好好食既蔬菜黎,因為口感夠爽得黎,佢既水份都可以鎖係入面,食落果陣真係好正 ! 今晚竟然有得食佢,呢個高溫蒸爐蒸出黎既勝瓜,都真係無得頂啦 !!往往蒸海鮮都會有貝殼類既出現,今晚同樣有佢地既出現,蜆類黎講有兩款,一大一小,兩款都好新鮮,亦同樣地高溫蒸熟後可以完全食到佢地既鮮味之餘,佢地既肉汁仍然被鎖住,蜆肉非常多汁鮮甜,我就比較喜歡大隻少少既蜆了,畢竟口感更好,整體比較滿足今晚既海鮮都真係不得了,款式夠多之餘,真係全部都好新鮮 ! 重要有幾款都係價格比較貴既海鮮添 ; 呢度就有D例子啦,例如大大隻既聖子,大大隻既黑松露帶子,兩款都真係非常鮮味,就算蒸完,都依然係大大隻,呢下先勁 ! 另外,同樣就有大大隻既開邊龍蝦,重要有蒜蓉調味,肉感豐富,真係想食多幾隻蒸魚都有喎 ! 佢係多寶魚黎添,呢款魚就可能比較少食了,不過原來味道都可以,同樣係鮮甜既,肉質都幾豐富,骨都唔算太多,味道都唔會腥,只係蒸之前個樣可能比較核突,哈哈....最後,當然就係經過清蒸多款新鮮食物,含有佢地各款肉汁精華既粥底啦 ! 呢個粥就真係非常香濃又夠鮮味啦,集多款肉汁精華之大成既粥底,就算只係白粥,都會變得非常不平凡,煮到口感軟綿綿又細滑既粥,都可以講係為今晚咁豐富既晚餐做個結尾了 而最後既結尾就重有西瓜盤同好特別既 "士巴拿" !  原來咁呢做得咁真又咁靚既 "士巴拿" ,其實係大菜糕黎,黎到最後都重有咁既驚喜,真係估你唔到啊 ! 繼續閱讀
(以上食評乃用戶個人意見 , 並不代表OpenRice之觀點。)