307
95
51
等級3
75
4
今日安排咗中環一日遊,疫情期間嘅中環依然好多人,文華東方酒店附近都唔例外。我今日就book咗3:45去食afternoon tea,我同條佬經太子大廈行到去clipper lounge。一入門口職員就會幫你量體溫,然後有另一位職員帶你入坐。喺呢度食tea要預咗只係睇到少少窗外風景,窗外唔係維港景。嚟呢度反而係欣賞室內富麗堂皇嘅裝修,感受一下文華昔日嘅輝煌。我哋被安排坐較入的位置,視野範圍可以望到大堂,一覽無遺。枱上有濕紙巾同口罩紙套,防疫措施充足。一坐低職員就遞上menu,要揀嘅項目就係揀飲邊款茶🍵或者係加錢飲酒🥂。我就揀咗佢哋好出名嘅文華東方茶Taste of the legend,而條佬就揀咗南非琥珀茶African amber organic。另外餐具都係用銀器做,茶壺有塊防燙布包住,相當貼心。大約等咗五分鐘,職員先上茶,後上tea set同scones, 之後佢哋會略略講解下tea set上面嘅甜點同咸點。職員更有禮貌地主動詢問我哋需唔需要影相留念,當然好啦!不過估唔到嘅係影咗四張相後,職員察覺到tea set角度唔太好,幫我哋再細心調整,又影多咗四張相。🤣職員對攝影嘅執著,令
更多
今日安排咗中環一日遊,疫情期間嘅中環依然好多人,文華東方酒店附近都唔例外。我今日就book咗3:45去食afternoon tea,我同條佬經太子大廈行到去clipper lounge。一入門口職員就會幫你量體溫,然後有另一位職員帶你入坐。

103 瀏覽
0 讚好
0 留言
110 瀏覽
0 讚好
0 留言
67 瀏覽
0 讚好
0 留言

喺呢度食tea要預咗只係睇到少少窗外風景,窗外唔係維港景。嚟呢度反而係欣賞室內富麗堂皇嘅裝修,感受一下文華昔日嘅輝煌。

36 瀏覽
0 讚好
0 留言
295 瀏覽
0 讚好
0 留言
309 瀏覽
0 讚好
0 留言

我哋被安排坐較入的位置,視野範圍可以望到大堂,一覽無遺。枱上有濕紙巾同口罩紙套,防疫措施充足。一坐低職員就遞上menu,要揀嘅項目就係揀飲邊款茶🍵或者係加錢飲酒🥂。我就揀咗佢哋好出名嘅文華東方茶Taste of the legend,而條佬就揀咗南非琥珀茶African amber organic。


另外餐具都係用銀器做,茶壺有塊防燙布包住,相當貼心。


大約等咗五分鐘,職員先上茶,後上tea set同scones, 之後佢哋會略略講解下tea set上面嘅甜點同咸點。職員更有禮貌地主動詢問我哋需唔需要影相留念,當然好啦!不過估唔到嘅係影咗四張相後,職員察覺到tea set角度唔太好,幫我哋再細心調整,又影多咗四張相。🤣職員對攝影嘅執著,令我覺得佢哋好重視客人嘅體驗,真係比到我五星級酒店水準嘅服務。👍🏻😍


一般傳統英式下午茶都係由最底層食到最上層,先食咸點再食甜點,令個味蕾比較順暢。最一開始當然係食scone先,試一試呢個全港最好食最有名氣嘅scone!




❤️ 文華東方茶Taste of the legend
文華東方茶
28 瀏覽
0 讚好
0 留言

每個人嘅茶壺上都有標示茶葉嘅名。文華東方茶係必叫,你叫職員推薦佢都會介紹你飲呢款,基本上每張枱都有一壺。佢個茶係選用烏龍茶,再加咗vanilla,cocoa-caramel,floral&orange essences。我飲第一啖反而係飲到薰衣草味,味道馥郁芬芳,色澤係琥珀色,好適合配甜品去飲,又可以解下甜膩。
好飲度:⭐️⭐️⭐️⭐️(4/5)




❤️ 南非琥珀茶African amber organic
南非琥珀茶
23 瀏覽
0 讚好
0 留言

選用咗南非國寶紅茶,屬於花茶嘅一種,深紅色係來自經過發酵嘅樹葉,味道較為清澀。加埋honey,vanilla,洛神花,熱帶水果,飲落酸酸哋都幾開胃。
好飲度:⭐️⭐️⭐️(3/5)




❤️ 傳統鬆餅 Plain scone & 提子鬆餅 Raisin scone
18 瀏覽
0 讚好
0 留言

個scone嘅食法係先將scone分成一半,再搽上一層人氣玫瑰花果醬同一層clotted cream,之後夾埋一齊食。個玫瑰花果醬簡直係成個scone嘅精粹,令個scone味道提升到另一層次,難怪有人會為咗食隻醬而過嚟。 scone方面,外層焗得好酥脆,內層口感濕潤鬆軟,奶香要濃郁。我個人比較鍾意提子鬆餅,條佬就鍾意傳統鬆餅。😂質素完全對得住 “全港最好食嘅scone”嘅美譽。
好食度:⭐️⭐️⭐️⭐️(4/5)




❤️ 最底層 - 三文治
13 瀏覽
0 讚好
0 留言

➡️ 左至右:
🔸 煙三文魚刁草忌廉芝士裸麥麵包
🔸 煙火雞胸肉紅莓胡桃南瓜
🔸 烤牛肉火箭菜辣根忌廉
🔸 雞蛋松露沙律醬西洋菜

當中烤牛肉三文治較為出色,雞蛋松露唔太食到松露味,味道較清淡。另外兩款中規中矩。
整體好食度:⭐️⭐️(2/5)




❤️ 第二層 - 甜點
19 瀏覽
0 讚好
0 留言

➡️ 左至右:
🔸 牛奶朱古力忌廉蛋糕
🔸 1963文華芝士餅
🔸 抹茶紅豆泡芙

最好食嘅一層,文華芝士餅係全個tea set裡面嘅靈魂,芝土味香濃囗感絲滑,帶俾你味蕾嘅滿足。朱古力蛋糕朱古力味濃厚,濃得嚟都好甜下,食完會開始覺得飽。😂 抹茶泡芙嘅抹茶甘甜深邃,個苦澀味未必個個人啱食,我就覺得唔錯。
整體好食度:⭐️⭐️⭐️✨(3.5/5)




❤️最頂層 - 甜點
67 瀏覽
0 讚好
0 留言
➡️ 左至右:
🔸 栗子杏脯馬卡龍
🔸 法式啤梨杏仁撻

最甜嘅一層,馬卡龍甜度猶如食咗十啖砂糖咁,就連鍾意食甜品嘅我都有少少頂唔順。啤梨撻都超甜,食咗一啖就無食。
整體好食度:⭐️(1/5)




餐廳推薦度:⭐️⭐️⭐️✨(3.5/5)
唔好以為份量好少,食到最尾真係好飽食唔哂,幾乎每一枱嘅人都食唔哂。以食物質素嚟講,我覺得有其他酒店更勝一籌,呢度主要係欣賞室內氣氛同環境,感受一下當年名門望族嘅歷史氛圍,享受一下五星級嘅用心服務。我個人推薦食scone同1963文華芝土餅。😝
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$394 (下午茶)
推介美食
文華東方茶
  • Scones