茶啡 (已結業)

喺 K11 Musea 食嘢，要搵間平嘅，唯有去B2，除咗food court，仲有一啲小食肆，今次見 Tea Meets Coffee唔使點等位，所以入咗去。其實睇完餐牌唔太知餐廳定位係乜，不過作為減肥人士，有湯麵食便好。選了全日精選麵食餐，可以揀兩款餸，一款揀了椰菜，另一款加錢要了大蝦，配通心粉、凍檸茶走甜，埋單$83。大蝦得四隻，有煎炒過唔係白灼，算有誠意，湯底奶白色，但其實食唔出咩味，即使呢度係Musea，但以80幾蚊食碗通粉，都真係頗唔抵了。