茶啡 (已結業)

原來Musea都有茶餐廳雖然係茶餐廳茶色但食材高質有心思.🔸純牛肉肉燥蛋飯 $80.0 加脆炸餐肉+$8.0牛肉好香 質感岩岩好 午餐肉外脆內軟好好食～.🔸粟米肉粒飯$75大大粒肉粒，粟米唔多但幾香忌廉味.推薦～

聖誕期間同老公去了K11 Musea 行街，行到攰諗住揾間餐廳坐下，但眼見間間都排長龍而呢間餐廳又有位，於是衝咗入去坐。坐還坐都要點吓野食先得。於是點咗份鬆軟長熱狗包配牛肉肉燥炒蛋脆餐肉，點知肉燥份量過少，個包味道好一般，感覺自己整都唔難。另外點咗份即炒香脆雞中翼配薯條。薯條係香脆嘅，但偏鹹，雞翼就好乾，毫無肉汁可言跟餐呢兩杯野飲都無乜好評論，因為無期待就無失望堆單百幾蚊，貴唔係話貴，因為响咁多人嘅shopping mall有間餐廳坐下都算係咁，只要你咁諗就會開心好多

喺 K11 Musea 食嘢，要搵間平嘅，唯有去B2，除咗food court，仲有一啲小食肆，今次見 Tea Meets Coffee唔使點等位，所以入咗去。其實睇完餐牌唔太知餐廳定位係乜，不過作為減肥人士，有湯麵食便好。選了全日精選麵食餐，可以揀兩款餸，一款揀了椰菜，另一款加錢要了大蝦，配通心粉、凍檸茶走甜，埋單$83。大蝦得四隻，有煎炒過唔係白灼，算有誠意，湯底奶白色，但其實食唔出咩味，即使呢度係Musea，但以80幾蚊食碗通粉，都真係頗唔抵了。

肚餓想食嘢 去food court 行左一圈都諗唔到食咩見過咗food court 入邊好似仲有幾間餐廳就好奇 行左入去 見萬寧隔離有間裝修都幾唔錯嘅餐廳 都坐滿左一半 但又唔知好唔好食就上openrice望下食評感覺又好似伏伏地咁 但望餐牌啲相又幾吸引咁 有啲心郁郁同埋餐牌好似轉左 冇左食評講伏伏地嘅意粉就大膽試下 因為已經餓到唔想行啦一個人食 唔洗等位 入到去又有梳化位 都坐得幾舒服叫餐問左下侍應有咩啱食 推介左我食肉燥飯 話都唔錯 好多人嗌 我就試咗個純牛肉肉燥蛋大蝦飯 80幾蚊同加$10要左杯特飲跟住望到餐牌下午茶有脆香雞翼四隻 又叫左黎食份量適中 味道大致都唔錯 啲蝦好爽又有咬口 肉燥蛋又唔會太鹹 而雞翼就炸得比較乾身 但都ok 整體幾好幾好👍🏻👍🏻👍🏻

之前來 K11 MUSEA 時，喺Food court 前面轉入啲搵到呢間小店，跟住入去試過好好食！後來變左第二間餐廳，以為佢地冇左，以後冇得再食..點知今日咁啱要入去 marketplace 買野，先至發現原來佢地係搬咗入去入啲大啲嘅位置！初頭睇食評，以為佢地無晒啲招牌菜，點知一睇，原來佢地啱啱又轉左新 menu，有返呢個我最想食嘅牛肉肉燥蛋飯，正爆！然後佢哋現在供應本地烘焙豆的咖啡，有冷泡咖啡！都幾夾個飯最驚喜係有有氣嘅港式檸檬茶梳打！價錢合理，成個場都冇乜呢啲選擇，值得支持！P.S. 商場真係要做返啲路牌指示，唔係真係唔知道入面成條街有嘢食！

經過k11 foodcourt個層見到間望落幾企理，又有盒裝茶賣嘅’茶餐廳’，OpenRice望望原來係新開嘅，連icon都未有嘅新🤪黑胡椒薄牛扒意大利麵$75🍝香辣蒜片大蝦意大利麵$80🦐-牛扒個碟啲意粉就濕嘅，蒜片個碟啲意粉就散嘅😡好多蒜，但啲蒜係生嘅🤦🏻‍♀️我諗茶記都好食過佢+$8配茗茶我相信係佢地賣緊嘅茶，但真係一般，飲完唔會想買個種😧伏伏伏伏伏⚠️⚠️⚠️⚠️⚠️🚁🚁🚁

週末的K11 Musea很多人，餐廳更是大排長龍，要找有位的餐廳不容易，走到B2樓深處找到這間只需要排兩三張桌，稍等一下就有位了。黑胡椒走地雞扒太陽蛋意粉太陽蛋和雞扒是OK的，雞扒有兩小塊，有調過味，煎得也有小小脆邊，黑胡椒汁很淡，是要走清淡風路線嗎？加上意粉沒什麼味道，整個意粉味道很淡，沒有炒過沒有燴過。以這個價錢來說有點失望。凍奶茶甜夠足但沒有奶味也沒有茶味...整店的食物都偏清淡，是我平常吃得太重口味？

冇認真睇個menu，見有意粉，個名又叫 tea meets coffee，以為係cafe入去坐低望清楚啲先知唔對路。。貴價茶餐廳嘢，算啦，Musea係咁嘅價錢要咗個黑椒牛頸脊意粉，得嗰兩塊肉片，加埋都冇我半隻手掌咁大。啲肉貴，算數。個黑椒意粉，落咗成支黑椒汁去煮，辣到暈。 。。差唔多$80連杯嘢飲都冇。，真係好唔值，我俾多$20去food court買船麵食好過。。同埋個女待應好煩，係咁叫水吧條友出嚟幫手，話搞唔掂。大佬呀，你快手啲做嘢好過啦。絕對冇下次

呢間嘢真係伏到無朋友，晚餐時間同朋友去食，其他餐廳全部滿曬，得佢一間係所有座位都係吉嘅，心中已經覺得不妙，但係無選擇，唸住叫一啲最基本嘅嘢唸住應該穩陣啲。點知道，成個餐牌9成嘅嘢係無嘅，例如無蝦，無豬扒，無雞扒，無海鮮，無魷魚，無牛肉。（呢啲食材係menu到係有嘅，但係我地去食果日全部都無！）我地幾個叫左三次，先終於叫到佢地餐廳有供應嘅食物，就係得白汁意粉！成間餐廳得白汁意粉！然後落左order，隔左五分鐘個waiter過來話無白汁，要我地將白汁改成番茄汁，當堂呆左。食物到左五分鐘後，個waiter就即刻過來要我地埋單，再隔10分鐘佢就拉閘要我地離開，整餐飯食左15分鐘😓真係伏到無朋友，唔相信嘅可以去試下。