大良八記 (已結業)

食完喳喳扒後再去食糖水,為求方便去左旺中對面八記分店算數;呢度除左甜品,仲有點心蒸飯食,款式幾多元化。紅豆沙:兩碗份量有別,阿姐筆得公平d好bor!熱紅豆沙似乎比較起沙,樣子比較對辦!!凍紅豆沙都幾多豆,都有果皮味,但食落有d粉粉地感覺,怪怪地!最盞鬼入面又有d海帶臭草綠豆沙,一個價錢兩種味道。燉蛋幾滑但好熱,味道較甜,都還可以,比紅豆沙優勝。幾位阿姐靠把口落單,個個中氣十足,所以好鬼熱鬧!!地方因為唔大,檯椅又幾密,我個背脊都唔知被人撞到幾多次lu.....總括黎講應該無下次,係旺角再想食糖水都會去第二間。