大良八記 (已結業)

很想去食合桃露，芝麻糊，就去了試下啦！点知出事合桃露望落去就麻麻地，一口食就想嘔，原因完全無合桃味，口感好像一很“結”撻撻。最后我無食了。芝麻糊，外觀可以，但應該係用粉開出黎！！很甜，無乜芝麻味。。唉 最後全部食了一口。真浪費，但不是我，是此店的老闆。我和朋友坐了幾分鐘就比錢走，老闆看看我們枱面還剩甘多也不問半句。有錢收就可以嗎？食物質素不重要？？ 真不知所謂！！！！

從尖沙咀走到佐敦，甜品店，糖水店也有好幾間，但一心想吃一碗中式甜品，來到大良八記，一看餐牌，就發現了傳統甜品店也轉型了，餐牌上還可以找到刨冰，榴槤系列的甜品，更甚連炒滑蛋配多士也有提供呢。轉型也不是壞事，只希望改變並沒有令傳統甜品的質素下降呢。麥米粥送來了，顏色偏淡，甜度適中，小時候也很喜歡媽媽煲的麥米粥呢，但用料方面好像沒之前的足料，價錢亦脹價到$17了。在香港要找一間傳統甜品店真的越來越難了。

前幾日，同老婆去左佐敦行街，行到好熱，老婆話想食甜品，咁就入左大良八記到食。一行入去，見冇咩人就搵位坐啦，坐都末坐好，餐牌都末拎起黎睇，咁就有個牙姐企左過黎問我地食咩，我話等等先，佢就係咁企係我同我老婆之間企左係到，又唔行開俾我地諗下食咩好，咁之後個牙姐就係咁問我地要食D咩，好似吹命鬼咁趕我地走，想趕我地走咪出聲囉，我地最多咪搵個第間食，唔洗咁呀，最後就叫左兩碗糖水黎食…凍合桃糊︰唔算話太甜，多返D合桃味就更加好，總算唔錯。熱芝麻糊︰好好食，唔係好甜，好夠芝麻香味。果時可能太早，唔係好多人黎食甜品，我地食左幾個字，見個牙姐靜就係咁坐係到，一有客黎就好似吹命鬼咁落單，最離譜係見到有一個客入黎坐底食野，行都唔行過去，坐係到問個客食咩落單，果時仲要隔住幾張桌子，我老婆就話，嘩…咁既服務都有既，個牙姐洗唔洗咁懶呀，起身都唔起身落單，都唔知係咪返工既，換轉我係果個客，我就第一時間一定走去搵過第間食，又唔係得你一間甜品店。晚上返左屋企，我老婆就打左去投訴個牙姐既服務，當時有位男仔接我老婆︰我想搵你老闆店舖男仔︰小姐，老闆唔係到，我係E到既當值經理，有咩幫到你呢我老婆︰講返今日果位牙姐既服務出黎投訴

本黎諗住去澳洲牛奶公司食晚飯，點知去到先發現逢星期四休息，行過ｄ就見到間大良八記，又有牛奶餐食～點左每人一份，點知．．．一黎黎左份意粉．．．無咩湯，差燒唔知咩味好似唔熟...意粉好硬．．．食左一半就無食了．．．所謂的牛奶蛋．．．有好多碎蛋殼．．．唯一火腿同多士好少少．．．．豆漿都好少少．．．．

衣日我同男朋友去左廟街食煲仔飯,但唔係咁飽,所以我地就諗住行一陣之後再去食糖水! 點知我地一街就行哂成條廟街行到去佐敦=,= 好累...男朋友佢之前都係衣頭番工,所以都知邊到有糖水食,我上次已經去左義順牛奶公司食,唔想咁快又食多次,同想食啲中式甜品暖下個胃無咁凍!!!於是佢帶左我黎衣間大良八記食.入去到我笑左一下,因為啲枱同登都好細,我地又著得多衫...哈哈!我每次食中式甜品主要都係食黑芝麻糊,因為養顏同健康丫麻,個人又覺得好味道! 而我男朋友都係衣舊要左凍綠豆沙,係佢最愛我中式甜品,但天氣咁凍仲要叫凍嘅=,= 黑芝麻糊 : 一見到佢真係糊..好杰,好似好濃! 我之前食其他甜品店嘅黑芝麻糊係濃到咁, 今次真係令我好有興趣立即食一啖!果然..好杰,同濃烈中帶小小甘味,不錯呀! 我現在還想起佢嘅口感,想食多碗呢! 凍綠豆沙 : 男朋友鍾意佢清甜帶海帶嘅綠豆沙味! 要凍嘅口感係因為會有種透心涼嘅感覺, 佢話好正=.= 我見到佢糖水同豆沙容係分開, 自己張佢攪拌了幾下再食, 我都試了一口, 海帶味比較重,但還可以的!

做節前有d時間，就同老婆行下街，take a rest，見到有間大良八記，(原本印象都唔差)，叫左個dun 鮮奶，同咖哩什錦，咖哩什錦: 有四樣嘢，魚蛋，蘿蔔，魷魚，豬皮食食下唔見有左d魷魚就問阿姐點解，佢竟然答我分唔到咁多，係咁架啦，有冇搞錯簡直就叫我以後都唔需要再幫襯

不說不知，過去曾經在港九開有多間分店的中式甜品店「大良八記」，原來現在已經光輝不再，只剩下三間分店，分別位於佐敦、旺角和大角咀。而這一夜，和幾位朋友在附近晚飯過後，大家都意猶未盡，便即興地來到這間位於佐敦的「大良八記」吃碗飯後甜品。一行六人中，其中四個都叫來清潤養顏的「大良燕窩燉奶」，而其中一個，正是我。可惜這碗熱的「大良燕窩燉奶」水準只是強差人意，既不夠熱，奶味也淡，當然也缺乏奶香，再加上本應就是沒有什麼味道的燕碎，整體來說就只是一碗甚為普通，平凡得很的甜品。想來，「大良八記」由盛轉衰，從光輝回歸平淡，可是不無道理的。

是晚的甜品選了這間老字號甜品點，當幾間鋪位之隔的的澳牛高朋滿座，這兒卻只有…一位客人 看到這情景真教人有點擔心，心中已暗叫不妙…但反正都進來了，先試一下再作定論吧。天氣這麼熱，雖然很想個綿綿冰之類的冰點來消暑一下，但個人不太喜歡在中式甜品店點西式甜品…這就像走進McDonald's點雲吞麵一樣。不是說McDonald's做的雲吞麵一定不好吃，但…嗯我相信你懂的 所有聲稱可以"養顏"，"美膚"的東西，對女人來說都是相當有吸引力的… 老闆給我來個凍燉奶！ 燉奶不用多介紹了吧，鮮奶和雞蛋白融合在一起，便宜又美味。可惜這兒的燉奶蛋白味太突出，牛奶味不夠香濃，口感也不算幼滑…總之整個味道就是不太對勁！突然想起那幾句廣告歌 "如果太多牛奶味，朱古力味冇定企。等到朱古力味返番哂嚟，牛奶味又唔爭氣。"...麻煩蛋白跟牛奶你倆合作一下好嘛?雖然我是個蛋癡，但要完成這半固體蛋白加上淡淡奶味的甜品，我也只能催眠自己"這對皮膚好"，然後把它吞下去 (我不喜歡浪費食物，沒辦法，要保護地球就只好忍受身上多添幾磅)。大良八記都算是個老字號，但這個燉奶實在教我失望 你是個好的甜品，但對不起，你不是我的"燉奶"。

叫左一個芝麻糊同合桃糊各加湯圓。等左15分鐘，遲過我叫外賣入座既堂食客都有得食，問佢個外賣點，佢先話而家煲湯圓。過左幾分鐘，以為佢準備比我時，佢先同我講煲左一份湯圓，仲有一份湯圓未煲。都唔知佢寫錯單定係唔知點煲湯圓。最後，因為趕時間，得一份湯圓就要趕住走。錢？梗係唔會退！

依家好多甜品舖都好多新花款有時傳統既糖水先係最好味又有益健康Xmas前打完邊邊梗係跟住去食碗糖水LA無幾耐電視先介紹完一定要去試試MEUN大部份都係潤既糖水合桃糊溝黑芝麻糊真係夠晒潤傳統既味道真係正撈埋左仲正依D真係自己煲既糖水唔會撈唔起一舊舊抵食~5個人...每人$20.5

從來我都沒有試過甘差的大良八記我捧場了十年都沒有試過甘差今日我和媽媽在商務印書館買完書就去食大良八記,我們叫左一個排骨飯和一個牛展拉面不料個人話冇牛展,我就取消他竟然話我好浪費他啲面我話以後唔再去吃!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

行經佐敦比大良八記個banner 吸引住，見好耐冇食糖水，於是入去食碗糖水。入到去見個餐牌跟到許氏十足十，當然價錢都差不多啦。當晚我哋叫咗個雜果忙果布丁(因為有特價)，同埋一個合桃露。首先上枱既係布丁，賣相一段，生果有啲好酸，個布丁就好難食。至於個合桃露，諗住呢啲傳統嘢，唔會太難食。點知居然冇合桃味，仲衰過即沖芝麻糊。以往都間唔中有幫襯佢，點知改革完仲衰過舊時，連自己最主打既中式糖水都搞成咁，真係好失望。估唔到呢啲傳統既中式糖水舖都比現代既甜品店打得落花流水，完全冇還擊之力咁！ 失望！

這店更改了餐牌後, 發現價格貴了很多, 而食物水準又低, 只改了價格,並無沒有裝修過. 除了有甜品糖水等食品, 午餐時有兩種套餐的選擇 :$32 有一款蒸飯 及 選 其中一種 鮮製健康飲品$42 有一款蒸飯 及 選 其中一種 私房湯那個蒸飯, 簡直是劣品製作, 有個膠盒盛載著, 膠蓋上還有打住個到期食用日期, 之前未改餐牌時, 從前是用鐵盅上, 並會見到是從廚房剛蒸好出來,現在這膠盒叮飯的材料極差, 蒸雞飯的雞是超軟, 且肉色又暗黑又似未熟的瘀血紅, 入口苦澀. 那盎川貝枇杷葉鱷魚肉湯, 完全沒有給客戶一點湯渣, 味道普通, 感覺不到有川貝枇杷的味道, 似一盅有色的水.每次新客人入坐下時, 待應都會說現在1時剛剛開門, 這兒的各樣食物未熱,那些糖水未滾, 這種不能與時並進的經營方式, 競爭力其低. 待應們常常大聲交談和討論訂貨的公事, 簡直當客人來聽他們發表偉論.既然知道午市是1時, 為何不早點準備食物, 未準備好就不應該開門,客人都不想等很太久, 打了退堂鼓及借意說等一陣再番轉頭. 這次被一張大良八記自動派發的減3元劵吸引才入座, 得不償失.

今日晏晝想食糖水，不過因為一點好多未開就去咗八記。叫咗西米露兩碗外賣。我一直都有買開，啲阿姐幾nice.....不過今日嗰男人(我估係老細掛)就好無禮貌....買咗兩碗糖水比個好細嗰袋裝。問佢有無大啲袋就同我講：我地一係A一係B無C嘅，係禁難拎架喇.......Oh ....I See..... 我知糖水夜啲食先啱喇。因為可以食松記、杏花樓...........唔使再去佢到食。其實八記啲糖水不嬲都OK....但我唔喜愛比人寸.....

上星期四晚六時許, 忽然紅雨, 狼狽不堪......七時去上堂便拿拿林找地方醫肚, 成身勁濕又凍便想起去吃熱糊......千簡萬簡......咦！大良八記食糊正喎！一入門口.......咦！唔係d阿姐招呼嘅......喺十零二十歲的少男少女......牆身無曬懷舊Menu, 而貼上新潮食物海報......一坐下, 少女waitress給我menu及優惠券(可以即用), 我見logo潮咗......我用coupon裏的芝麻糊併三粒湯圓(平時$1X再加$7才有三粒, 現在免費送三粒)再叫多碗喳喳,少女waitress話熱的賣哂得凍, okay la......而喳喳要熱首先喳喳上枱, 亳無味道, d豆未煲冧, 花奶勁少, 我叫佢再加多少少, 佢真係加多少少都食唔出係喳喳, 谷氣凍芝蔴糊上枱,少女waitress話湯圓煮緊, 後上, okay 啦, 都知係芝蔴嘅拿拿林食完去上堂, 想比錢時才想起未俾湯圓我, 我同佢地講, 門口厨房的少男waiter叫出來:「煮緊啦, 得凍呀」, 我話:「湯圓有凍??」, 佢話:「芝蔴糊得凍呀！」, 我話:「我一早食完啦, 你哋未俾湯圓我渣......」真是一