Sip & Slide (已結業)

今次嚟到中環新開嘅slider店，有好多口味嘅slider滿足到我地想淺嚐嘅心。一入門口就滿滿萬聖節氛圍，有魷魚遊戲主題嘅佈置，玩味十足。佢地有個tasting menu價錢幾抵又可以試勻佢地嘅唔同item，但我地驚份量太多就決定分開單點。Slider 3款Triple都係$147，可以試到3款口味呢！我地揀咗Peking Quack、Miso Sakana、Triple B。第一款食到一絲絲鴨肉，仲有煎鵪鶉蛋好搶眼，個汁甜甜咸咸咁都幾濃味，好啱我地口味。第二款有軟嫩嘅魚肉做夾心，連埋爽口蔬菜絲會比較清新。第三款和牛做主角，牛味都幾香亦無煎到好熟，食落有啲他他嘅感覺，鍾意食和牛嘅可以一試。Rosemary Fries薯條好出色，幼長亦兼顧到香脆同內裡薯仔綿密，仲帶淡淡rosemary味呢！Tipsy Lemon TeaPeach, Apple & Lemon Tea同gin嘅結合，本身就咁飲果味唔算好出反而gin嘅香氣好足，之後督埋檸檬果香就帶返起。朋友就點咗Chocolate Negroni，非常有特色。