影片
更多
2018-07-25
593 瀏覽
早排好興既海鮮蒸氣鍋，依家連元朗都有啦～六點去到已經坐左幾台人，原來好多人都預先訂左座，好彩時間仲早唔洗點等就入得店員同我地推薦呢個$298/位既套餐，見都幾多野食就信下佢啦。套餐仲送埋粥底，先食面層既蒸氣海鮮，等到底下粥底熬足兩個鐘就可以享用先黎隻澳洲青年龍蝦，好大隻，而且好新鮮；聽店員講先知原來老闆係做海鮮入口，所有海產每日新鮮運到仲親自挑選，確保質素都係最靚既～見到咁多海鮮真係無從入手，但唔識都唔怕，因為煮既次序、時間都由店員負責處理，坐定定就有得食。龍蝦：用筷子一夾就離殼，啖啖肉，口感鮮嫩，味道好清甜。越南頂角膏蟹：重頭戲黎啦，就係呢隻奄仔蟹啦同普通蟹既分別係奄仔蟹係性成熟但未交配既雌性青蟹，肉厚膏多，一萬隻裡面先揾到2、3隻咖。睇相都見到爆哂膏，仲要多膏得黎又好夠肉，食起黎鮮甜多汁貴妃蚌：一隻完全唔夠食！鮮甜彈牙，伴隨些微既海水味，食得出好新鮮，完全唔腥鮑魚：匙羹咁大隻既鮑魚，驚喜既係咬落一啲都唔韌。青口：中規中矩。泰國海中蝦：好新鮮，肉質好實好爽口，同出面食既雪藏完全唔同。深海龍躉片：肉嫩無骨，食完濃味野呢款口味偏向清淡啲。食完海鮮當然要食啲清少少既蔬菜拼盤。底下既粥都夠鐘
六點去到已經坐左幾台人，原來好多人都預先訂左座，好彩時間仲早唔洗點等就入得
店員同我地推薦呢個$298/位既套餐，見都幾多野食就信下佢啦。
套餐仲送埋粥底，先食面層既蒸氣海鮮，等到底下粥底熬足兩個鐘就可以享用
先黎隻澳洲青年龍蝦，好大隻，而且好新鮮；聽店員講先知原來老闆係做海鮮入口，所有海產每日新鮮運到仲親自挑選，確保質素都係最靚既～
見到咁多海鮮真係無從入手，但唔識都唔怕，因為煮既次序、時間都由店員負責處理，坐定定就有得食。
龍蝦：用筷子一夾就離殼，啖啖肉，口感鮮嫩，味道好清甜。
越南頂角膏蟹：重頭戲黎啦，就係呢隻奄仔蟹啦同普通蟹既分別係奄仔蟹係性成熟但未交配既雌性青蟹，肉厚膏多，一萬隻裡面先揾到2、3隻咖。
睇相都見到爆哂膏，仲要多膏得黎又好夠肉，食起黎鮮甜多汁貴妃蚌：一隻完全唔夠食！鮮甜彈牙，伴隨些微既海水味，食得出好新鮮，完全唔腥
鮑魚：匙羹咁大隻既鮑魚，驚喜既係咬落一啲都唔韌。
青口：中規中矩。
泰國海中蝦：好新鮮，肉質好實好爽口，同出面食既雪藏完全唔同。
深海龍躉片：肉嫩無骨，食完濃味野呢款口味偏向清淡啲。
食完海鮮當然要食啲清少少既蔬菜拼盤。
底下既粥都夠鐘食得，吸收哂海鮮既精華熬成個粥，時間岩岩好，綿得黎仲保留到飯粒有咬口，可惜南瓜未煮溶哂，唔係既話會更好味。
臨尾店員仲送左糖水俾我地，係燕窩西米露，飲起黎清甜不漏，好大羹燕窩呀估唔到價錢唔貴但每樣野都真材實料貨真價實，海鮮控一定要試下！
張貼
